Shillong, Naiwieng 17: U Myntri Rangbah ka jylla u Conrad K Sangma bad u myntri ba dei peit ia ka pule puthi jong ka jylla u bah Lahkmen Rymbui mynta ka sngi kila plie ia ki kamra klass ba thymmai hapoh ka Manikanj Secondary School bad Damas Higher Secondary School ha ka jingialang kaba la long ha Mendipathar, North Garo Hills District ha kaba u Deputy Speaker u Timothy D Shira u la don lang.
Ia kitei ki ar tylli ki skul kiba la plie mynta ka sngi la bei pisa da ka Asian Development Bank bad u MLA jong ka Kharkutta u Rupert Momin bad u MLA ka Bajengdoba u Pongseng Marak ruh kila ia don lang ha kane ka sngi plie ia kitei ki ar tylli ki iing skul.
Na ka skhim jong ka Asian Development Bank, ia ka Manikanj Secondary School la shna san tylli ki kamra thymmai bad na ka bynta ka Damas Secondary School la shna thymmai 7 tylli ki kamra klas kiba la don lypa kid on hynriew tylli.
Ka jingpynbha ha kitei ki ar tylli ki skul nalor ki kamra klass la kyntup lang ruh ia ki computer, ka jinghikai lyngba ki computer ban hikai kyrpang ia ki khynnah kat kum kane ka juk kaba mynta.
Ha kane ka sngi u mytnri rangbah ka jylla ruh u la sam ia ka pisa T.32 lak tyngka sha ki 32 tylli ki kynhun ba pynmih ia ki marrrep kiba dei na ka North Garo Hills District kaba kynthup ia ki 450 ngut ki nongrep bad kane ka jingiarap ka long na ka Farmers’ Collectivisation for Upscaling of Production and Marketing Systems (FOCUS) ha Mendipathar.
