Shillong, Naitung 17: Mynta ka sngi u Lamphang ka iing dorbar jong ka jylla Meghalaya u bah Metbah Lyngdoh u la plie ia u durmot ba shirynieng jong u Syiem ba khraw ka Hima Nongkhlaw u Tirot Sing Syiem ha Mairang ha madan Tirot ha ka jingrakhe ia ka lyngkhuh sngi iap ba 186 snem.
Shuwa ban plie ia u durmot kala don ka jingbuh syntiew ban pyndon burom ia u Syiem ba khraw ka Hima da u pa,im P M Syiemliehm bud sa u Lamphang ka iing dorbar u bah Metbah bad sa kiwei kiwei ki la wan ban ia shim bynta ha kane ka sngi ban burom ia u syiem Tirot Sing u nongialeh laitluid. Ha kane ka sngi ki seng bapher bapher kila wan ban buh syntiew. Ha kane ka sngi na ka liang jong ka Kur Syimelieh kila wan ban buh ia ki syntiew.
U bah Metbah u la ong ba kum u myntri ba dei peit ia ka tnad jngohkai pyrthei u khot ia u Director ka tnad pynneh pynsah riti ban ia kren lada don lat ban tei ia u mot ba shirynieng jong u Syiem Tirot Singh, ha kane ka jingiakren la iathuh ba ha u snem 2017-2017 ka tnad pynroi sor kala phah shna lai tylli ki dur mot bad u wei na kita dei u syiem Tirot Sing ia kaba la pan ha kaba la lah ban plie mynta ka sngi.
U SDO jong ka Mairang u bah A Nongbri la ong ba kane ka jingrakhe ia ka lyngkhuh sngi iap ba 186 jong u syiem ka Hima Nongkhlaw ka long kaba kham kyrpang namar ia kane ka jingrakhe hap ban phah ia ka kaiphot sha ka tnad kam poh iing ka Ri India, namar ka sorkar pdeng ka pyndon burom kyrpang ia ki nongialeh laitluid namar ka ri ka sa rakhe ia ka jingdap 75 snem jong ka jinglaitluid ka Ri.
Ha kane ka sngi na ka liang jong ka Hima kala kyrpad ia ki paidbah ban ia khun pyrshah ia kane ka khlam COVID-19 kala kyntu ba kin wan sha khmat ban ai ia ka Tika, ha kane ka sngi la pynlong ruh ia ka jingsngap jar kaba shiminit ban kynmaw burom ia u Syiem bakhraw jong ka Hima u ba la aiti ia la ka jingim namar ka Ri.
