Nongpoh, Risaw 27: U bah Meralborn Syiem MLA jong ka Nongpoh u la plie ia ka jaka thain jain ka kynhun ki kynthei hapoh ka Raid Marmain ia kaba la tip kum ka “Raid Marmain Women Multi Purpose Co-Operative society Ltd”.
Ha ka jingkren jong u bah Meralbon u la ong, haba ki wan khot na ka liang jong ka seng ban plie ia kane ka jaka thain jain u la dap da ka jingsngkmen ban ioh sngew ia kum kine ki kam bha bha ba kin leh.
U la ai nuksa ia ka Mookaiw Co-Operative Society kaba dei na Jaintia Hills ka long kaba paw bha ha kaba kila don bun tylli ki kali kamai, u la ong ruh bun ki seng treilang la seng hynrei kiba trei kam khyndait eh. Haba ia dei bad kane ka kynhun treilang na ka liang jong u MLA u la kyntu ba kin pynroi iaka.
Ha ka jingkren u Bah Rishot Marbaniang ba dei jong ka Nongpoh u la ong ba kin sa buh ia ka kynja bank barit ha katei ka thain ban pynsuk ia ki paidbah ban ioh ia ki jingiarap ha ka dur jong ka ram na ka bynta kiwei kiwei ki kam ruh.
Ha kane ka sngi la don lang ruh ki riew rangbah ka raid bad la pynphuh ia kane ka sngi da ka jingshad jong ki kynthei kiba dei katkum ka rukom dustur jong ki na katei ka thain.
