Shillong, K. Lyngkot 20: Mynta ka sngi u Myntri Rangbah ka Jylla u Conrad K. Sangma u la plie ia ka iing skul ba thymmai ka Dalu Bengali secondary Skul. Ia Kane ka iing skul ba thymmai la tei da ka jingbei pisa lyngba ka Asian Development Bank’s.
Haba kren ha ka jingplie ia Kane ka iing skul kaba thymmai u myntri rangbah ka Jylla u la ong ba ka sorkar ka don ia ka polisi trei kam ban kyntiew ia ka pule puthi ha ka Jylla katkum ka juk ba mynta.
Ha Kane ka sngi u myntri rangbah ka Jylla u la ong ba ka sorkar kala shim shibun ki lat ki lynti ban wanrah ia ki kam pynroi hapoh ka thain Dalu, khatam ban shna ia ki surok bad ki jingkieng iaid kali.
ka sorkar MDA ka wat ki lat ki lynti ban pynioh pisa la ka dei na ka sorkar pdeng ne ki kynhun bei pisa kum ka world Bank na ka bynta ka roi ka par jong ka jyllla la ong u myntri rangbah ha ka jingialang plie ia ka skul ha Dalu. Ha ki ar snem ban wan ki paidbah kin iohi ia ki kam pynroi ha ka Jylla.
