New Delhi, Iaiong 09: U Myntri ka tnat Pule puthi jong ka Sorkar Pdeng u la pyniaid ia ka jingialang jong ki heh sorkar halor ka jingpyntreikam ia ka NEP-2020 ha New Delhi mynta ka sngi. U Secretary, Higher Education, Amit Khare; Secretary , School Education, ka Anita Karwal bad ki heh ophisar ki la iadonlang ha kane ka jingialang.
Ha ka jingpynurlong ia ki thong bad ki jing thmu jong ka National Education Policy (NEP) 2020 ba la pynmih ha ka 29 tarik Naitung, 2019 bad ban iarap ia ki jylla bad ki UT ha kane ka kam.
Ka Tnat School Education and Literacy ka la wanrah ia ka jingpynkhreh ia ka jingai jinghikai ha ki skul kaba la tip kum ka has developed an indicative and suggestive Implementation Plan for School Education,called ‘Students’ and Teachers’ Holistic Advancement through Quality Education (SARTHAQ)’.
Ia kane ka jingthmu pyntreikam la pyllait mynta ka sngi da u Myntri ka tnat Pule Puthi, u Ramesh PokhriyalNishank kaba long ruh kum shi bynta ki jingrakhe na ka bynta ka AmritMahotsav kaba iadei bad ka jingdap 75 snem ka jingioh jinglaitluid ka ri India.
Ha ka jingjop ba kongsan hapoh ka jingialam u Myntri Rangbah duh ka ri, u Narendra Modi, ka sorkar ka la sdang ia ka jingpynkhreh ia ka jingpyntreikam ia ka National Education Policy 2020 hapoh ka shi snem.
Kane ka jingpynkhreh ka peit ia ka jinglong jong ki kam ai jinghikai ha kaba don kti ka Sorkar Pdeng bad ki sorkar jylla. Kumta la ai lad ia ki Jylla bad ki UT ba kin pynkylla ia kane ka jingpynkhreh katkum ka jingiadei ia ki.
Kane ka jingpynkhreh ka shu thaw lad kumno ban trei nangne shakhmat ban pyntreikam ia ka NEP, 2020 ha kine ki 10 snem ban wan kaba long kaba donkam bha na ka bynta ka jingiaid beit iaid ryntih ki kam.
Ia ka SARTHAQ la wanrah hadien ka jingiamir jingmut bad ki Jylla bad ki UT, ki kynhun bapher bapher bad la ioh jingai jingmut na baroh kiba iadon bynta ha kine ki kam; la ioh pdiang haduh 7177 tylli ki jingai jingmut.
La pynlong ruh ka rynsan ba kyrpang na ka bynta ki nonghikai ‘Shikshak Parv’ naduh ka 8 tarik haduh ka 15 tarik u Nailar, 2020 ban iakren halor ka NEP 2020 bad ban ioh jingmut halor ka jingpyntreikam jong ka ha kaba la ioh 15 lak ki jingai jingmut.
Ha ka jingkren jong u, u Pokhriyal u la kyntu ia baroh kiba iadon bynta ha kane ka kam ban pyndonkam ia kane ka jingpynkhreh kum ka jingialam lynti ban wanrah ia ki jingkylla ha ki kam ai jinghikai ha ki skul.
U la ong ba kum ka polisi, ka jingpynkhreh ruh ka long kaba laitluid, kaba lah ban pynkylla bad kaba kdup lang ia baroh. Ka thong jong ka SARTHAQ ka dei ban kdew ia ki kam ha ka rukom kaba pyni shai ia ki thong, ki jingjop bad ka por ban treikam ha kaba ka pyniasoh ia ki jingai jingmut jong ka NEP bad 297 tylli ki kam ha ryngkat ki kynhun, kip or ban pyndep ia ka kam bad 304 tylli ki thong jong kine ki kam.
La pyrshang ruh ban wanrah ia ki kam ha ka rukom ba kin kiew na ka nongrim ba la don lypa, ym da kaba wanrah ia ka nongrim ba thymmai. Kumta ka SARTHAQ ka peit bha ia ka jinglong bad ka thong jong ka polisi bad la pynkhreh ban pyntreikam ia ka ha ki bynta bapher bapher.
La pynkhreh ruh ia ka SARTHAQ kum ka kot kaba kylla na ka por sha ka por bad yn pynthymmai ia ka na ka por sha ka por da kaba buh nongrim ha ki jingai jingmut jong kito kiba don bynta ha kane ka kam. Hadien ki thong ba la buh na ka bynta ki kam ai jinghikai hadien ka jingpyntreikam ia ka SARTHAQ.
Yn ioh ia ki jingai jinghikai kiba thymmai ha ka ri bad ha ki jylla, ka jingpeit ia ki khynnah rit bad ka jingai jinghikai ia ki, ka jingpyntbit ia ki nonghikai bad ka jingai jinghikai ia ki rangbah da kaba bat ia ka jingthmu jong ka NEP bad kane kan plié lad ia ki jingkylla ha ki jingai jinghikai
Yn kyntiew ia ka Gross Enrolment Ratio (GER), ka Net Enrolment Ratio (NER), ka transition rate bad ka jingwanphai sha skul ha baroh ki bynta bad kane kan pynduna ia ka jingieh shiteng por ia ka jingioh jinghikai ki khynnah skul. Ka jingioh ia ka ECCE kaba biang bad ka Universal Acquisition of Foundational Literacy and Numeracy shuwa ban poi sha ka Grade 3.
Ka jingbha shuh shuh ha ki jingioh na ka jingpule ha baroh ki bynta da kaba ban jur ha ka jingai jinghikai bad ka jingioh jingnang jingstad lyngba ka ktien tynrai ha ki por ba dang sdang leit skul.
Ka jingkynthup lang ia ka jingai jinghikai vocational, ki jinglehkai, ki jingsaindur, ka jingtip shaphang ka India, ki sap katkum ka juk mynta, ka jingniewkor ia ka jinglong nong India, ka jingtip shaphang ka jingdonkam ia ka mariang bad kiwei kiwei ha ka jingai jinghikai.
Ka jingwanrah ia ka Experiential learning ha baroh ki bynta bad ka jingkynthup ia ki lad saindur thymmai da ki nonghikai ha ki klas. Ki jingkylla ha ki exam board bad kiwei kiwei ki test. Ka jingwanrah ia ka jinghikai kaba biang bad ki rukom hikai kiba bun bynta.
Ka jingpynbiang ia ki kot ha ki ktien tynrai. Ka jingkyntiew ia ki Teacher Education Prokram. Ka jingkyntiew jong ka jingtbit ki nonghikai kiba dang thymmai bad ka jingpyntbit lyngba ka Continuous Professional Development. Ka jingioh jinghikai kaba shngain ia ki khynnah pule, kaba kynthup lang ia baroh bad kaba plié lad ia ki bad ia ki nonghikai.
Ka jingpynbha shuh shuh ia ki jingdon jingem ha ryngkat ka jingpyndonkam lang ia ki jingdon jingem hapdeng ki skul. Ka jingiaryntih ha ki jingjop jong ka jingai jinghikai bad ka rukom pyntreikam ha ki skul sorkar bad ki skul shimet lyngba ka rynsan online kaba shai hadien ka jingwanrah ia ka SSSA ha ki jylla.
Ka jingpyndonkam ia ka teknoloji ha ka jingpynkhreh ban ai jinghikai bad ka jingpyniaid ia ki skul bad ka jingdon jong ka ICT bad ka jingpeit ia ka jingbha jong ka jingai jinghikai ha ki klas.
Ka SARTHAQ kan plié lad ia ki samla jong ngi ba kin kot sha ki thong bad jop ia ki jingeh bad ailad ia ki ba kin ioh ia ki sap katkum ka juk mynta ha ryngkat ka jingtip shaphang ka riti dustur jong ka India, ka kolshor bad ki jinglong tynrai kumba la thmu ha ka National Education Policy 2020.
U Pokhriyal u la ong ba la thmu ba ka jingpyntreikam ia ka SARTHAQ kan ai jingmyntoi ia baroh kynthup 25 klur ki samla pule, 15 lak ki skul, 94 lak ki nonghikai, ki nongpeit ia ki kam ai jinghikai, ki kmie ki kpa bad ka imlang sahlang namar ka jingioh jingnang jingstad kadei u budlum jong ka imlang sahlang kaba hok bad kaba ryntih.
