Poi Baghmara u Ian Campbell, Olympian na Australia ban wat ia ki riew don sap bad ka MSOA

Shillong, Naitung 14: Hadien ba la sdang bad iaid ban wat ia ki riew don sap na Mawkyrwat, South West Khasi Hills District, ha ka 9 Naitung 2022, ka kynhun Edge10 ba la ialam da u Ian Campbell bad ka MSOA ba la ialam da u Bah John F Kharshiing, Working President, Meghalaya State Olympic Association (MSOA).

Kiwei ki dkhot kiba la ia donlang ki long u bah Dipshon Ryntathiang, Chairman, Podium Finish, Commission, MOSA ki la hiar sa sha Ri lum Garo bad la pyndep ka test .ha Ampati, South West Garo hills district ha ka 11 Naitung 2022, bad ha Tura, West Garo Hills District, ar sngi ha ka 12 bad 13 Naitung 2022.

Kane ka kynhun ka la hiar sa sha Baghmara, South Garo Hills District ha ka 14 Naitung 2022 bad mar ia poi kane ka kynhun ki la leit peit ia ka Baghmara Indoor Stadium, ha ryngkat u Shri. Mongera Marak, DSO, South Garo Hills District, Dept of Sports and Youth Affairs, GoM, ban pynkhreh ia ka State Talent identification program ka ban long ha ka 15 July 2022.

Kum ban shu pynkynmaw ba kane ka kam ban wat ia ki riew don sap ha ka jingialehkai la ia lam khmat da u Mr Ian Campbell, u Olympian (1980 Moscow Olympics) uba la thaw ia ka world record ha kato ka por bad u Mr Alistair Tait, Global International Coach na Australia.

Kane ka Talent identification program ba la pyntyllun ka MSOA da ka jingkyrshan jong ka DSYA bad kaba la pyntreikam da ka Edge10 group, (ArmsPT) UK, ka dei kaba la pyntrei kam teng ha u bnai November bad December snem 2017 bad Kumjuh mynta kane ka test ka kynthup saw tylli ki test ka 20M sprint, 10M ladder run, ka compass Drill (agility) bad ka Vertical Jump.

Katkum ba kane kynhun ki la ioh ban thew ia ki 678 ngut haduh ka 13 tarik July 2022 kine ki Australian ki la shem ki talent khynnah ha Mawkyrwat, Ampati, bad Tura bad na kine ki la ioh lap ia u samla Donkam M Marak uba 14 snem na Hawakhana HSS.

U ne u khynnah uba la juh ialeh kai football ha skul u iathuh ba u la mareh bad jop teng ha ka baptist sports competition ha ka 200M ha Ampati, SWGHD, bad jop ia ka Silver Medal ha u snem 2019 une u samla uba dang 14 snem u la thaw record ia ka jylla Meghalaya da kaba mareh 2.99Secs ha ka test 20M sprint.

Shuh shuh ki la lap ba ar ngut ki khynnah ki la pyndep ia ka compass Drill (agility test) hapoh 7.07sec bad 7.09 Secs u Mr Ian Campbell u la shaiong ngain bad on ‘its global elite athletes times for these two tura footballers of 16 yrs old” shuh shuh la lap ba ki samla kynthei kiba biang bha ka sap mareh la lap ba ka Wanmera (blue tshirt), 17snem ka mareh 2.85Secs, ka
Abanggi (white t-shirt)16 snem ka mareh 3.11secs bad ka Alandi (purple t-shirt) 16 snem ka mareh 2.81secs ha ka 10M Ladder run,

U Ian Campbell Olympian bad u Mr Alistair Tait, Global International Coach, ki la ong ba kane ka jingsted ka jan ia ryngkat bad ki nongialehkai “elite” jong ka Australia bad USA.

Shuh shuh une u Olympian la ong ba la lap ia kine ki juh ki sap ha Mawkyrwat Ampati bad Tura (bun ki khynnah na kyndong kiba wan pule ha Nongbah Tura)

U la pynsngew ba haba ong “elite athletes” ha Australia lane USA ka mut ba ki dei kiba la shah hikai ha ki national coach bad hapoh ka jingkhmih ka Australian Institute of Sports la kumno kumno ym duna ia ka san snem. Kumta u Mr Ian Campbell, Olympian, bad u Mr Alistair Tait, Global International Coach u la lyngoh ngain ia kane ka jingshem bad u la ong ba ki la pynkhreh ban ai jingmut ia ka MSOA.

Ka Dept of Sports and Youth Affairs, Govt of Meghalaya, kumno ba kin leh ia kine ki sap kiba phylla ia kaba kin sa ai ka kaiphod halor kane ka jing leit test hadien ba la dep iaid ha ki 12 tylli ki district, bad hapoh ka taiew ba ar jong u August 2022 kin sa ai ka kaiphod kaba janai kaban kynthup ia ka kyrteng jong ki nongialehkai kiba tbit tam napdeng kiba la shah test.

U Mr Ian Campbell, Olympian, u la ai khublei ia u Shri.Conrad Sangma, Chief Minister, bad ia u Bah Banteidor Lyngdoh, Minister Sports, Sorkar Meghalaya bad kumjuh ia u Commissioner & Secretary, Sports, Director, Department of Sports and Youth Affairs, kiba la bteng bad sdang ia kane ka program kaba ki juh leh ha ki ri kiba paw ha ka kam kilan met bad u la pynpaw ba lada tang haba sdang la shem katne tylli ki sap mutdur katno tylli ki samla don sam kin lap hadien ar taiew.

U Mr Ian Campbell, Olympian u la ong bad la kren skhem ba lyngba kane ka testing program kaba dei ban pynlong man ka snem, ki Coach, ki Association, ki Athletes, ki kmie kpa jong ki khynnah bad ki nongpyniaid ia ka tnad sports sorkar Meghalaya, lada ki buddien tikna ia kane kin sa lah ban ioh ban tip kino kiba kyrpang ha ka jingdon sap bad kan sa ialam ia ka Meghalaya ban poi sha ki rynsan kiba kyrpang kum ka National Championship, Common Wealth Games, Asian Games, World Championship, bad shaduh ka Olympics, bad kiwei kiwei.

Katkum ka program kane ka program Talent Identification testing program kan poi ha baroh ki District Head Quaters bad ki tarik ki long 16 July 16 2022 – Williamnagar, July 18 Resubelpara, July 20 Mairang, July 21, 2022 Nongstoin, July 22 Nongpoh, July 23 2022 Jowai, July 25 ha Khliehriat, bad ar sngi 26th bad 27th ha Shillong ha SAI, NEHU.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet