Shillong, nohprah 29: Ka kynhun kaba 21 ngut na ka kynhun shipai duriaw kila poi mynta ka sngi sha East Jiantia Hills District ha poh Lumthari bad na kine 15 ngut kid ei ki shipai ngam um, ka jingwan jong ki ka long ban wad ia ki 15 ngut ki briew kiba la shah ban hapoh krem dewiong kaba la jia naduh ka 13 tarik mynta u bnai.
Haba kren ha u SP News Agency u Superintendent ki Pulit jong ka East Jiantia Hills District u bah Sylvester Nongtynger, u la iathuh ba kane ka kynhun shipai duriaw kila poi mynta ka sngi bad na kine 14 ngut ki dei ki shipai ngam um bad kila poi ruh ryngkat ki kor pom um.
La iathuh ba mar ia poi sha ka jaka ba shah ban ki nongthih dewiong, ki shipai duriaw kila trei la kam ban pyndait ia ki pump um ban sdang ban wad ia ki briew kiba la shah tam ha kane ka krem dewiong. Na ka liang jong u heh pulit la ong ba ka don ka jingkyrmen ban lap ia ka met jong kiba iap hapoh kane ka krem dewiong da ka jingwan kine ki shipai duriaw.
Na ka liang jong ki heh jong ka National Disaster Response Force personnel (NDRFP) kiba peit ia kane ka jingwad ia ki briew kiba la shah ban ha kane ka krem dewiong kila batai bniah ia kane ka kynhun shipai duriaw ia kaei kaba la jia ha kane ka jaka. Na ka liang jong ki bor jong ka District ki don ka jingkyrmen ban lap ia ki briew kiba la shah ban ha kane ka krem dewiong la ong u SP jong ka EJH District.
