Shillong, Nohprah 24: Ka seng NPP kala pynbna saw ngut ki kyrtong ban ia khun ia ka MDC ilekshon MDC sha ka iing dorbar jong ka Jiantia Hills Autonomous District Council kaban long ha ka 27 tarik u bnai Rymphang 2019.
Ki saw ngut ki kyrtong kiba la pynbna ki long u bah Jesse Suiam na Ummulong Moodymmai, u Bah Mongol Singh Tangra na Sutnga Narpuh, u bah Kerbhame Dkhar na Tuber bad u bah Silbinus Sukhlain na Sutnga Nongkhlieh.
Katkum ki tyllong khubor na ka NPP ki iathuh ba ia kiba dang sah sa 25 ngut kin sa pynbna paidbah ha ka taiew ba nyngkong jong u bnai kyllalyngkot 2019. Ka NPP ha kane ka kynti kaba mytna kan pynieng kyrtong ha baroh 29 tylli ki MDC Konstitwensi hapoh jong ka JHADC.
