Pynban u  Conrad ban khang ia ka sor Shillong ha ka  sngi Nyngkong bad sngi ba Ar

Shillong, Naitung 11: U Myntri Rangbah ka jylla u Conrad K Sangma mynta ka sngi u la pynbna ba ka sorkar kala shim ia ka rai ban khangdam ia ka sor Shillong ha ka sngi Nyngkong bad sngi ba Ar, kata ka 13 bad 14 tarik mynta u bnai.

Haba kren ha ki lat pathai khubor mynta ka sngi u ong ba kane ka jingkhang dam kaba ar sngi ka long hadien ka jingkiew sted jong kane ka khlam COVID-19 khamtam eh ha kane ka nongbah Shillong.

U Myntri Rangbah u  la ong ba kane ka jingkhang ka long ba ki COVID-19 management Committee ki dei ban pynsngewthuh sha ki paidbah nongshong shnong kumno ban ia shim ia ka jingkit khlieh ban ialeh pyrshah ia kane ka jingpang COVID-19.

Ha ka juh ka por kane ka jingkhang dam ka long ban kham pynsuk ia ki nongtrei ka tnad ka koit ka khiah ban suk ha kaba wat ia kito ki briew kiba la don ka jingiadei kaba jan bad kito kiba wan iathuh na Greenwood Assam, namar haduh mynta ka sngi 8 ngut na kiba don ka jingiajan bad kito kiba leit iathoh kila test COVID-19 Positive.

U Myntri  Rangbah ka jylla u Cornad K Sangma u la pynsngew sha ki paidbah ba kane ka jingiakhun pyrshah ia kane ka khlam COVID-19 kam dei tang ka sorkar, kam dei tang ka tnad ka koit ka khiah hynrei ka dei da baroh ki paidbah nongshong shnong bad baroh iwei pa iwei ki dei ban long ki nongialeh pyrshah ia kane ka khlam COVID-19.

U Myntri rangbah u la iathuh ruh ba kila don ki nongtrei hapoh jong ka NEIGRIHMS kiba la test COVID-19, na ka liang jong u myntri rangbah u la ong bay m lah ban iathuh dei mano hynrei kila don ki nongtrei katei ka Hospital kiba la test COVID-19 Positive.

La aithuh ba na ki 47 ngut ki briew kiba la test COVID-19 Positive mynta ka sngi, 30 ngut ki dei ki shipai BSF, 17 ngut ki dei ki riew paidbah, na kine ki 17 ngut, 8 ngut kidei kiba don ka jingiadn bad kiba leit iathoh sha Greenwood Resort ha Assam bad 9 ngut ki dei kiba wan phai.

What Next?

Recent Articles

Leave a Reply

Submit Comment

*