Shillong, Jylliew 3: Ka Deputy Commissioner jong ka East Khasi Hills ka la pynbna ba naduh kane ka sngi nyngkong ban wan kata 5/7/2021 la shah 20% ia ki City Bus, Mini Bus, Ki Taxi bad ki Auto Rickshaw ba kin iaid ban kamai hapoh kane ka nongbah Shillong, laitnoh ki bus saw SPTS, SSTS bad SSPTS.
Kane ka jingiaid kamai jong ki kali kan long naduh ka por 6.00 baje mynstep haduh 6.00 baje jan miet, kine kin iaid tang hapoh ka nongbah Shillong kyntup ia kito ki jaka ba la tip kum ki jaka sor, kiba hap hapoh jong ka Mawlai C&RD Block, kiba hap hapoh jong ka Mawpaw C&RD Blcok bad Mylliem C&RD Blcok.
Na ka liang jong ka DC kala mana bay m bit ban kit ia ki briew kiba leit ban wan na Shillong sha bar jong ka sor Shillong bad kiba leit kin dei tang kito kiba la ioh ia ki pass na kibor bala ithuh bad ka jingiaid jong ki kali kan long katkum bala pynbeit.
Ha ka sngi nyngkong 5/7/2021 ki kali kamai ki ban iaid kin long kiba kut ha u number 3 bad 4, ha ka sngi Baar 6/7/2021 ki kali ba kut ha u number 5 bad 6, ha ka sngi Balang 7/7/2021 kin long ki kali ba kut ha u number 7 bad 8, ha ka sngi Palei 8/7/2021 kin long ki kali kiba kut ha u number 9 bad 0, ha ka sngi Thohdieng 9/7/2021 kin long ki kali kiba kut ha u number 1 bad 2 bad ha ka sngi Saitjian 10/7/2021 kin iaid ki kali kiba kut ha u number 3 bad 4, kitei kin long tang ha Shillong.
Katba ia ki kali ki ban iaid hapoh jong ka Sohra bad Pynursla Civil Sub Division, kan shong ha ki SDO ba kin pynbeit ba kin iaid 33% ki kali bad na kine ki jaka yn nym shah ia ki kali ba kin kiew sha Shillong khlem da ioh ia ka pass na ki bor ba dei peit.
Ki jaka kiba hap hapoh jong ka Mawryngkneng, Mawkynrew, Mawsynram, Sohiong bad Mawphlang C&RD Block ki kali kin iaid tang hapoh u pud u sam ba dei jong kata ka Block, ki kali na kitei ki block kim lah ban wan kiew sha Shillong lait noh tang kito kiba la ioh ia ki Pass da ki BDO na dei peit.
Ki kali ki ban iaid ha ki jaka nongkyndong kin long ha ka sngi ba nyngkong kin long ki number kiba kut ha u 2,3 bad 4, ha ka sngi baar, kin iaid ki kali kiba kut ha u 5,6 bad 7, ha ka sngi balai kin iaid kiba kut ha u 8,9 bad 0, ha ka sngi basaw kin iaid kiba kut ha u 1,2 bad 3.
Ki Taxi kin kit tang lai ngut ki briew, 1 ha khmar 2 ngut ha dien, katba ki Auto Rickshaw kin kit tang 2 ngut ha dien, katba ki Bus kin kit 50% ki na ka jingdon ki jaka shong kata 2 bad 16 ngut ki nongshong kali bad ki dei ban tah ha ki kali la ki la dep ai Tine ne em. Baroh ki paidbah kiba laeit ba wan ki dei ban den gar tylli ki mask, kiba pynkhein ia ki kyndon kin shah pynshitom katkum ka ain.
