Pynbna ka DoT bala sdang pyntrei kam ia ki lai tylli ki tower ba thymmai ha Meghalaya

Shillong, Nailar 16: Ha ka jingialang rakhe dap 75 snem ka jingioh jinglaitluid ka ri, ka Department of Telecommunications (DoT), North East Licensed Service Area (NE LSA), Shillong mynta ka sngi ka la pynbna ka jingsdanglai tylli ki tower ba thymmai kiba la bit la biang katkum ka teknoloji ba mynta.

Kane ka long na ka bynta ki nongshongshnong ha ki jaka nongkyndong  jong ka jylla Meghalaya hapoh ka Universal Service Obligation Fund (USOF) haPanchiring A ha South West Khasi Hills District bad ha Mawpenbad Katraduaha East Khasi Hills District.

Ki nongshong shnong jong 7 tylli ki shnong ba kynthup ka Panchiring A, Mawpen, Katradua, Mawhati, Phodkroh, Panchiring B, bad Upper Panchiring mynta kin ioh ia ki jingshakri telecom kiba la bit la biang ha ka sien ba nyngkong.

Kane ka long  hadien ka jingioh jinglaitluid lyngba ki jingshakri high-speed 4G mobile broadband na ka bynta ban ioh ia ki sienjam e-Governance bapher bapher jong ka sorkarpdeng bad sorkar jylla. Da kane, ka jingioh network mobile ka la bteng sha 5540 tylli ki shnong ha Meghalaya da ki licensee bapher bapher jong ka DoT.

Kum shi bynta ki jingrakhe ia ka AKAM ha ka snem ba la leit, la thung shuh shuh sa 368 tylli ki tower ba thymmai, 743 tylli ki Base Transceiver Station (BTS)  bad 507 tylli ki shnong bym pat ioh ia kane ki la ioh mynta ha jylla Meghalaya.

Ha kane ka jingialang, u Ravi Goel, Sr. Dy Director General &u khliehduh jong ka NE LSA jong ka DoT u la pyntip ba ka DOT NE LSA ka la tyrwa ka jingbteng ia ki jingshakri 4G hapoh ka ‘4G Saturation Program’ jong ka DoT sa sha 1512 tylli ki shnong ha Meghalaya bad kane ka don hapoh ka jingkhmih jong ka DoT HQ & USOF.

Shuh shuhkum kine kijuh ki jingtyrwana ka bynta ki Jylla jong ka Arunachal, Manipur, Mizoram, Nagaland bad Tripuraladep phah, u la ong.  Ka DoT ka trei tyngeh ban pyniar ki jingshakri high-speed broadband sha baroh ki nongshong shnong jong ki jylla ka thain shateilammihngi, khamtam kito kiba sah ha ki jaka nongkyndong hapoh ki sienjam jong ka USOF bad ki prokram bapher bapher jong ki licensee jong ka.

U la pyntip ruh ban pynthikna ka jingshngain jong ki paidbah na ki EMF radiation, ka India ka la pyntreikam 10 shah ki kyndon ba kham pyrkhing ban ia kito ba la bthah da ka ICNIRP bad ban pynthikna ia kane, ka DoT NE LSA ka test man ka por ia ki BTS na ka bynta ka jingbud ryntih ia kine ki kyndon jong ka EMF, bad haduh mynta 3557 na ka 7190 BTS ladep test ha jylla Meghalaya bad baroh kine la lap ba ki bud ia ki kyndon.

U Goel u la pyntip shuh shuh ba da ka jingplie ia ki jingshakri 5G ha ka ri, yn donkam bun ki cell barit jong ki 5G mobile Tower ha ka thain shateilammihngi ruh. Hynrei, ki paidbahkim dei ban khuslai shaphang kinokino ki jingktah ia ka koit ka khiah jong ki briew bad ki jingthungjingtep bad ki mrad ha ka thain namar la pynbiang ia ka rukom treikam kaba biang da ka DoT ban pynthikna ka jingshngain na ki Electromagnetic Radiation.

Kum shi bynta ka sienjam ban pynsuk ia ki kam khaii pateng, ka signing of licenses (ISP) na ka bynta ban pynioh ia ki jingshakri Internet la pynlaitluid lyngba ki field unit jong ka DOT ha man ki 6 tylli ki jylla hapoh ka NE LSA. Haduh mynta 8 tylli ki license ladep ai hapoh ka jingpyniaid ba thymmai.

Na ka bynta ban pynioh internet kaba biang doria baroh, mynta lah ban ioh ia ki jingshakri PM-WANI lyngba ki Public Data Office Aggregator (PDOA) bapher bapher bad ki Public Data Office (PDO).

Kalong ruh ka kabu ia ki nongdie kiba rit ba ria bad ki jaka kum ki dukanreshon, ki dukanKirana bad ki dukan Pan ban ioh kamai shuh shuh. La pyntreikam 1061 tylli ki hotspot haduh ka 8 tarik Nailar 2022 ha ki jylla ka thain shatei lam mih ngi.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet