Shillong, Lber 29: Mynta ka sngi ka Election Commission jong ka Ri India kala pynbna ba ia ka elekshon MLA sha ka iing dorbar thawain ka jylla Meghalaya na 23-Sohiong (ST) Assembly Konstitwensi kan long ha ka 10/Jymmang/ 2023.
Ia ka jingpynbna sorkar yn pynmih ha ka 13/4/2023, ia ka jingthep kyrteng kan kut ha ka 20/4/2023, ka jingbishar bniah ia ki kot ki sla kan long ha ka 21/4/2023 bad ka sngi ba khatduh ban weng na ka jingiakhun kan long ha ka 24/4/2023.
Ka jingiathep vote kan long ha ka 10/5/2023 bad ka jingniew vote kan long ha ka 13/5/2023 bad ia ki kam kiba ia dei bad ka elekshon dei ban pyndep ha ka 15/5/2023. Ka elekshon ha Sohiong la hap ban pynsangeh na ka daw jong ka jingkhlad noh u bah HDR Lyngdoh kyrtong ka UDP.
