Shillong, Nailar 5: Ka Meghalaya Board of School Education (MBOSE) mynta ka sngi kala pynbna ia ka reslot 2021 jong ka SSLC bad HSSLC. Kiba pass ha ka SSLC ki long tang 52.91%, ba la wan nyngkongduh long u samla Kevinstrong Lawriniang u bala ioh 576 na St. Thomas Higher Secondary School,Mairang West Khasi Hills District.
Ka jingpass jong ki khynnah ha kane ka reslot SSLC jong ka MBOSE katkum ki District ka long, East Garo Hills 35.10%, West Garo Hills ki long 34.63%, South Garo Hills 27.50%, East Khasi Hills 71.97%, West Khasi Hills 58.28%, Ri Bhoi 62.40%, South West Garo Hills 23.01%, North Garo Hills 27.88%, South West Khasi Hills 70.78%, West Jiantia Hills 73.41%, East Jaintia Hills 85.09%.
Baroh kiba la apply ban thoh ia kane ka eksamin SSLC ki don 65794 ngut, kiba la wan thoh ia ka eksamin ki long 64269 ngut, kiba pass ki long 34003 ngut, ka jingpass ha kaba khein kyllum ki long 52.91%. ka resolt mynta u snem kala kiew ban ia ka snem 2020.
Haba ia dei bad ka reslot HSSLC, ka jingpass ki samla pule ki long 80.75%, East Khasi Hills 90.80%, West Khasi Hills 92.91%, Ri-Bhoi 86.93%, West Garo Hills 69.33%, East Garo Hills 71.48%, South Garo Hills 54.00%, South West Khasi Hills 88.95%, West Jaintia Hills 81.02%, East Jaintia Hills 92.83%, North Garo Hills 69.97%, South West Garo Hills 64.00%.
Ha kane ka reslot HSSLC bala wan nyngkong eh na baroh long samla Daniel Ksanbor Khyriemmujat ha kaba la ioh 462 na St. Anthony’s Higher Secondary School, Shillong. Kiba la thoh ia kane ka eksamin HSSLC baroh ki long 25683 ngut kiba pass ki long 20740 ngut bad haba khien kyllum ka long 80.75%.
