New Delhi, Naitung 23: Ka Myntri Sorkar Pdeng ba dei khmih ia ka Tnat Kam Pla Tyngka, ka Nirmala Sitharaman ka la pynbna ba ka sorkar kan plie paidbah ia ka Pradhan Mantri Janjatiya Unnat Gram Abhiyan, haba wanrah ia ka Mang Tyngka 2024-25 jong ka sorkar pdeng ha Parliament mynta ka sngi.
Ka Myntri Kam Pla Tyngka ka la ong ba ka Abhiyan kan kyntiew ia ka jinglong ha ka imlang sahlang bad ka ioh ka kot jong ki jaitbynriew riewlum. Da kaba batai ba la thmu ban pynpoi lut ki kam na ka bynta ka jingkyntiew ia ki jingdon jingem bad ban wanrah ia ka hok ha ka imlang sahlang.
Ka myntri pla pisa kala bynrap shuh shuh ba ka skhim kan kynthup lut ia baroh ki longiing jong ki riewlum kiba sah ha ki shnong ba bun paid ki riewlum bad ki aspirational district.
Ka Pradhan Mantri Janjatiya Unnat Gram Abhiyan kja thmu ban kynthup 63,000 tylli ki shnong bad ka thmu ban ai jingmyntoi ia 5 klur ngut ki riewlum ha kylleng ka ri.
