Shillong, Nialar 26: Mytna ka sngi ka sorkar kala pyntip paidbah ba ia ka sboh dawai ban pyndonkam ha ki katto katne ki bynta jong ka jylla kiba la ithuh da ka sorkar yn ioh tnag na ka Meghalaya State Cooperative Marketing and Consumer’s Federation Limited (MECOFED).
Katkum ka jingpyntip ka sorkar kane ka jingdei ia ki sboh dawai dei kum shibynta ban ialeh ban poi pat sha ka rukom rep kaba khlem pyndon kam dawai, ka MECOFED kan kit ia ka dawai sboh na ka Indian Farmers Fertilizers Cooperative Limited (IFFCO) na Guwahahti bad ban pynpoi sha ki nongrep.
Na ka liang jong ka sorkar kala batai shai ba ka sboh dawai ka long kaba rem bha ha ka dor iew bad kumba ka long mynta ka long kaba rem bha bad kane kala buh jingeh ia ki nongrep ka jylla ban weng ia kane ka jigneh ka sorkar jylla kala shim ia ka rai ban iarap da kaba die shiteng dor.
Kane ka long ban iarap ia ki nognrep ba kin kiew ha ka kamai kajih jong ki, haba ia dei bad ka dor jong ka sboh dawai ka sorkar kala shim ia ka rai ban shiteng dor sha ki nongrep ka jylla ba kin ioh ia ka jingmyntoi, kane ka long katkum ka jingpyntip u Dr. Vijay Kumar D ba dei peit ia ka tnad Cooperation ka sorkar jylla.
