Pynbna ka sorkar pdeng, ka seng HNLC bad ki shnat trei kam kum ka seng beain

Shillong, Naiwieng 27:  Ka sorkar pdeng ha ka jingpynbna sorkar kaba la pynmih ha ka 16th Naiwieng 2019, ha ka jingbishar ka jong ka ba ka seng Hynniewtrep National Liberation Council (HNLC) bad ki shnat trei kam jong ka la niew ba ka dei ka seng beain namar ba kine ki kwah ba ki bynta kiba don hapoh jong ka jylla Meghalaya kiba shong ki Khasi bad ki Jaintia kiba dei ki riewlum ki kwah ba mih na ka Ri India.

Ka sorkar pdeng ka shim ba ka seng HNLC kala pynpaw paidbah pyllein ba iaki jaka ba shong ki Khasi bad ki Jaintia kiba dei ki riewlum ki kwah ban mih na ka Ri India. Kane ka seng ka dang ia beteng ban leh da ka bor ban lum pisa beain na ka bynta ka seng, ka HNLC ka dang beteng ia ka jingiadei jong ka bad kiwei ki seng lehnoh ha North East. Ka HNLC ka dang don ia ki ktem jong ka ha Bangladesh ban hikai ia ki ba dang rung thymmai.

Ka sorkar pdeng kala shim ba ki kam pyntrim kiba ka seng HNLC kala leh naduh ka 01th Kyllalyngkot 2015 haduh u Naitung 2019 kila don saw tylli ki jingjia kiba ka seng HNLC kala leh ka kynthup ia ka jingsait iap u wei u reiw paidbah. Hapdeng katei ka por la ioh ban kem 16 ngut ki dkhot ka seng bad 14 ngut ki dkhot kila wan ban pyndem wait, la ioh ruh ban kurup saw tylli ki tiar siat. Ka HNLC kala rah bor ruh saw ngut ki briew.

Na ka liang jong ka sorkar pdeng ha dien ba kala bishar ia ki jingleh jong ka seng HNLC, ka sorkar pdeng kala shim ia ka rai ban niew beain ia ka bad ia ki shnat trei kam jong ka. Ka sorkar pdeng ka shim ruh ki jingleh jong ka HNLC ka ktah ia ka sorkar pdeng lada ym lah ban teh lakam kane ka seng kan sa khi imbiang ba rah suloi, kan ktah ia ka iap ka im jong ki riew paidbah bad kum juh ia ki briew jong ka ain bad kam dang pynkhlain ruh ia ka jingialeh pyrshah.

Kumta katkum ka bor bala pynkup hapoh jong ka ain Unlawful Activities (Prevention) Act 1967 hapoh ka kyndon (1) bad ka khyrngit kaba 3, kumta ka sorkar pdeng kala shim ia ka rai ban dang beteng ban niew beain ia ka seng HNLC bad ki shnat trei kam jong ka. Ha dien ba la bishar ia ka jingleh jong ka seng HNLC ka sorkar pdeng kala shim ia ka rai ban niew beain ia kane ka seng mardor bad kane kan trei kam naduh ka sngi ba la pynmih ha ka jingpynbna sorkar.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet