Shillong, Kyllalyngkot 20: Ka United Democratic Party (UDP) hynne ka sngi ka la pynbna biang ki kyrteng ki kyrtong sa ia 4 ngut ki ban ia khun ia ka elekshon MDC sha KHADC bad JHADC kaba yn sa long shen ha u bnai Rymphang.
Ki kyrtong MDC kiba ka party UDP kala pynbna mynta ka sngi kiba dei sha ka iing dorbar jong ka KHADC ki long u Bah Synshar Kupar Roy Lyngdoh Thabah- Sohïong constituency, u Bah Anthony Khongwang- Nongshken Constituency bad u Bah Lee Trevor S Bareh- Jirang Constituency bad na JHADC u Bah Meiowan Pasi- Nangbah Mihmyntdu constituency.
La pynbna ïa kine ki kyrtong da President ka UDP u Bah Metbah Lyngdoh haka jingdon lang u Bah Titostarwell Chyne, Jemino Mawthoh, u Bah Beyondstar Kurbah lem bad kiwei kiwe de ki nongkit kam jong ka party UDP.