Shillong, Risaw 31: Ka UDP mynta ka sngi kala pynbna 9 ngut ki kyrtong MDC na ka bynta ka MDC ilkeshon sha ka JHADC kiba dang sah ki long sa 20 tylli ki konstitwensi bad 7 ngut ki kyrtong sha ka iing dorbar jong ka KHADC baroh kila poi sha ka 17 ngut ki Konstitwensi kiba dang sha ki long 12 tylli.
Ki kyrtong kiba la dep ban pynbna na ka bynta jong ka JHADC, ki long u bah Emlangky Lamare na Narpuh, u Bah Shanbor Lamare na Sutnga Nongkhlieh, U Dr Sanky Shangpung na Bataw Lakadong, u Bah Lasky Rymbai na Tuber kine ki dei na East Jiantia Hills.
Katba na West Jiantia Hills kiba la pynbna mynta ka sngi ki long, Bah Lamdibok Sumer na War East, bah Suklang Shylla na Nongjngi, Bah Elizer Dkhar na Mookaiaw, bah Bison Roy Iano na Raliang bad u Bah Kitboklang Nongtdu na Jowai Central.
Ki kyrtong na ka bynta ka KHADC, ki kyrtong kiba la pynbna mynta ka sngi ki long, u Bah Ryngkat Lyndem na Langkyrdem Laitkroh, Bah Lutphar Dkhar na Nongskhe, bah Philemon Kharmyndai na Sohiong Nongspung, Bah Cris Kharsati na Sohryngkham, Bah Antonio War na Malki Laitumkhrah, bah Nasar Marwein na Langrin bad u bah Anvil Lyngdoh na Mawkyrwat.
Ia kiwei ki konstitwensi ka seng kan sa dang pynbna ha ki sngi ki ban dang wan katba dang dep ban pynbeit na ka liang jong ki konstitwensi. U Bah Dkhar u la ong ba kan nym slem shuh hynrei kin pyndepnoh kloi khnang ba ki kyrtong kin ioh ban leit ban ia kynduh ia ki paidbah.
