Pynbna u Conrad  ban khang dam san sngi ha EKH District ban kiew ka COVID-19

Shillong, Jymmang 05: U Myntri Rangbah ka jylla u Cornad K Sangma mynta ka sngi u la pynbna ba ka sorkar kala shim ia ka rai ban khangdam noh san sngi lynter naduh ka por 8 baje mynmeit mynta ka sngi haduh ka 10 tarik mynta u bnai Jymmang ha baroh kawei ka East Khasi Hills District.

U Myntri Rangbah ka jylla u Cornad K Sangma u la ong ba ha ka jingialang jong ki kynhun myntri kaba la long mynta ka sngi ha dien ba la thir sani bha ha kaba ai dei bad ka jingkiew jong kane ka jingpang COVID-19 kham tam ha nongbah Shillong bad ka jylla baroh kawei la shim ia ka rai ban pynjari noh da ka khangdam kaba 5 sngi lynter ha East Khasi Hills District.

U Myntri rangbah u la ong ba kumba ka long mynta ha Shillong 60% na ki jaka ai jingsumar ha kane ka nongbah Shillong kila dap da ki nongpang bad ia mynta baroh kiba shitom na kane ka jingpang kila kot sha ka 2000 ngut, lada kiba shitom ki kot sha ka 5000 ngut kan buh ia ka jylla ha ka jingeh kaba krhaw.

Ban khanglat ia ka jingsaphriang ia kane ka jingpang ka sorkar kam ban se ban shim noh ia kane ka rai ban khangdam syndon na ka bytna san sngi khang ba kane ka jingpang kan lait na ka jingkiew sted kumba ka long ha kine ki sngi.

U myntri rangbah u la pynshai ba ka jingkiew jong kane ka jingpang ha kine ki sngi ka long na ka jingwan bad ka jingiakhleh jong ki briew shuwa ba kan don ka jingpynbna ia ka containment bad mytna kala kham duna ka jingdon kiba shitom hynrei ka sorkar ka kwah ban pynduna shushuh ia ka jingpur kane ka jingpang da kaba pynbna syndon ia kane ka jingkhangdam.

Na ka liang jong ka sorkar kan sa shong biang ban ia kren ha ka sngi saitjain ban wan, na ka liang jong u kum u myntri rangbah un leit sha Garo Hills ban ia kynduh ia ki briew jong ka tnad ka koit ia khiah ban ia mir jingmut halor kane, u Symbut Mytnri rangbah un leit sha West Khasi Hills bad Ri Bhoi bad kiwei ki District bad sha Jaintia Hills un leit u myntri kam poh iing ban ia kynduh ia ki ophisar ka tnad ka koit ka khiah.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet