Shillong, Naiwieng 23: Mynta ka sngi u Dr Mukul Sangma nongialam ka liang pyrshah ba deiruh u nongialam a TMC la pynbna ban ai jingiarap mar T.5 lak tyngka sha kito ki long kiba la duh ei ia la ka jingim na ka jingsiat pathar ki pulit Assam ha shnong Mukroh ha West Jaintia Hills District.
U Dr Mukul la ong ba kane ka jingjia ha Mukroh kala pyni sha ka pyrthei ym tang ha kane ka jylla ha kaba san ngut ki riew paidbah kila khlad ha kane ka jingjia bad u wei dei nongtrei ka tnad khlaw ka sorkar Assam.
Kum ka party kid a sngewsih kthang halar kane ka jingjia ba san ngut ki mynsiem briew kila shu duh ei ha kti ki pulit ka jylla Assam, kum ka partry ka phah ia ka khubor sngewlem sha kiba ha iing ha sem jong kito kiba mat ia kane ka jingjia kaba sngewsih, ka party kan ai jingkyrshan ruh ia kiba la mynsaw.
Na ka jingiakren la sngewthuh ba ki nongshong shnong ha Mukroh ki juh shah pyndik na ka por sha ka por ha ki briew jong ka jylla Assam bad kane kala wanrah ruh ia ka jingsngewsyier ha ki paidbah. Kum ka shnong kila juh pyntip sha ka sorkar.
