Pynbna u MP Rajya Sabha u Prof Rakesh ban shim sa lai tylli ki shnong ban ithuh ia ka siaw

Shillong, Nailur 27: Mynta ka sngi u MP ka Rajya Sabha u Prof Rakesh Sinha u la pynbna ha ka jingialang ha ka shnong Kongthong ba un shim s alai tylli ki shnong ha ka thain khatar shnong ban pynneh pynsah ia ki riti dustur jong ki kaba la hiar pateng naduh ki por hyndai hynthai.

Haba kren ha ka jingialang kaba la long ha shnong Kongthong, u MP la ong ba ia ka shnong la buh ha ka ‘UNWTO best tourism village’ kine ki shnong kiba la shim biang ban pynrung ki long ka shnong Mawmang Mawsamad bad Sder bad kine ki shnong kin ioh ia ka jingthuh kum ka shnong kaba siaw.

Ha kane ka jingialang paidbah u MP ka Rajya Sabha u la ong ba u mytnri rangbah duh jong ka Ri India u la ai ka jingkyntu ia baroh ki MP ba kin shim la kumno kumno kawei ka shnong ban wanrah ia ki kam pynroi bad ban pynneh pynsah ia ka riti dustur ha ki shnong.

U Rakesh u la ong ba ha dien bala shim ia ka shnong Kongthong, kala don ka jingiakynduh ia u MLA bad MDC jong ka jaka ban ia kren ia ki kam pynroi hapoh jong ka shnong kumba ka long mynta la dep ban shna haduh 10 tylli ki painkhana paidbah bad shem kin sa buh ia ka kor buh ia ki Sanitary pad.

U MP ka Rajya Sabha u la ong ba ki briew na sha bar ka jylla Meghalaya ki lah ban wan sha kane ka thain ban peit ia ka jingriew spah ka riti dustur jong ki briew kane ka thain bad la ong ba ka Shillong ka dei ka nongbah  jong ka jylla la dei ban ithuh ia ka Kongthong kum ka nongbah ka jaka pynneh pynsah ia ka Riti Dustur.

Na ka liang jong un ia kren bad ka tnad pynneh pynsah riti dustur jong ka Ri india ban shna ia ka museum ha kane ka shnong da kaba pyndon kam ia ki kor ki bor katkum kane ka juk kaba mynta ban sngewthuh kham bha ia ka riti dustur jong ka thain.

Kubma ka long mynta ia ka shnong Kongthong la tip kum ka jaka jngohkai kaba itynnad tam ha ki nongkyndong ha kane ka sla pyrthei, la ong ba don kam ban kyntiew ia ki lat jingsumar hapoh kane ka thain Khatarshnong.

Ha kane ka sngi u MDC jong kane ka thain ba dei ruh u CEM jong ka KHADC kum juh bad u MLA ka thain u bah Gavin Mylliemngap kila ia kynduh ia u Symbut Myntri rangbah ka jylla ban shna pynbha ia ka surok ha kane ka thain hynrei na ka daw jong kane ka khlam ym shym la lah ban sdang.

Bah Titosstarwell Chyne la ong ba na ka MDC skhim yn sa shna ia ki light na ka Solar bad u MLA un shna ia ki iing “Prefab structure” ban long kum ki iing basa ban sah ki briew lada ki wankai.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet