Shillong, Jymmang 13: Hapoh ka jingialam ka Prof. S.M. Sungoh, Principal ba dei peit ia ka DDUCC ka la pynlong ia ka jinghikai kaba hynriewsngi ha ka ba ia dei bad ka shna miej shuki na ki diengda ka jingthmu ban pyniadei ia ki samla bad ki nongshong shnong kiba don ka jingtbit ha ka liang ka jingshna tiar da ki dieng.
Kan ka long shibynta ban kyntiew ia ka ioh ka kot bad ka jingim kaba neh. Ia kane ka prokram la pynlong da ka Pt. Deen Dayal Upadhyay Community and Skill Development Center, Wahiajer kaba long ka shlem ai jinghikai ba kyrshan da ka skul bah North-Eastern Hill University (NEHU).
Ha ka jingai hikai ba hynriew sngi, 30 ngut ki nongiashim bynta kiba na ki kynhun bapher bapher jong ka imlang sahlang la ai jinghikai lyngba ka jingpynitrei kam bala hikai da ki nonghikai kiba la khot kyrpang.
Ki nongia shim bynta kila ioh ia ki jingshemphang bad jingtip kiba kordor ha ki jingtbit kiba kongsan kiba ia dei bad ka khaii pateng bad ka jingpynlong jong ka.
Katei ka prokram kaba hynniew sngi kala poi sha ka jingkut kaba jop ha ka 13 tarik u Jymmang, ha ka jingiadonlang u Prof. H. Lamin (Retd), u Founder Principal I/c, DDUCC ubalong kum u Kongsanryngkat bad U Dr. F. R. Sumer, Librarian, NEHU, u Shri. Reveal Singh Phawa, NongaiJinghikai bad u Mr. Thrangki Stong bad kiwei kiwei.
Kane kankyrshan ia ka khaii ka pateng ha ka jaka khamtam eh ha ki samla ha ka thain bad ka jylla Meghalaya. Ki la bynrap ba kum kane ka prokram ai jinghikai ka long kaba don kam kyrkieh namar ka pyntbit ha ka jingshna dur, ka jingtei, bad ka jingpynthymmai bad ka long kaba don kambha ban pynmihia ki tiar bad ki jingtei kiba neh slem bad kiba itynnad.
Kane ka prokram ka dei ka bynta jong ka jingpyrshang jong ka DDUCC ban kyntiew ia ka jingnang jingstad bad ka jingnang jingstad ha ka kam kum shibynta jong ka NEP 2020.
