Shillong, Jymmang 15: Ka ophis jong ka “Special Purpose Vehicle Society” ka dei peit kyrpang ia ki shnong kiba don 50 km sawdong na ka jaka tih mawshun ka kompeni Lafarge kala pynmih ia ka skhim ban bei pisa ia ki samla pule ka thain kiba leit ban pule ha ki kyrdan, Doktor, Engineer, Nurse bad kiwei ki jingpule Diploma ha ki bynta bapher bapher.
Ia kane ka jingbei pisa ka sdang ha u snem 2013-2014 bad kane ka dang iaid bteg haduh mynta, katkum ka jingkhein kaba la ioh na katei ka ophis kiba la leit ban pule da ka jingkyrshan ka SPVS naduh 2020-2021 baroh ki long 141 ngut.
Kiba la pyndep ia ki jingpule jong ki naduh ka snem 20213-2014 naduh u snem 2020-2021 ki don 99 ngut bad kiba khlem pat pyntip sha ophis la kila pyndep ne em ia ka jingpule haduh mynta ki don 42 ngut.
Haba kren ha u SP News Agency, u Chairman jong ka SPV u bah PS DKhar u la iathuh ba kine ki dei ki jing khien kiba ka ophis ki don haduh u snem 2020-2021, ha kine ki ar snem ba don kane ka khlam COVID-19 duna kiba wan ban pan jingiarap ban leit pule sha ka jylla.
