Pyngat kyndon ki pulit ia u nongap karot ka iing mane Presbyterian ka balang Mawkhar

Shillong, Iaiong 09: U Superintendent ki  pulit jong ka East Khasi Hills District  u bah S Nongtnger u ha ka jingthoh kaba la pynlait sha ki lat pathai khubor mynta ka sngi la ong ba ki pulit kila pyngat kyndon pyrshah ia u bah Allfas Bareh u nongai karot ia ka iing mane Presbyterian ka balang Mawkhar halor ka jingkynnoh ba la pynjah klet ka pisa palat klur tyngka.

La iathuh ba dei ha u snem 2019 bnai balai ba ka tnad pulit kala ioh da ka jingujor ejahar ha ka kyrteng jong ka balang Mawkhar ba kala don ka leh buid tuh bad pynjah ryngai ia ka pisa bala khrong bai kynshew ha iing mane bad ia kane ka jingujor la ujor da ka Kommittee jong ka balang.

Ha kaba sdang la kynnoh ia u nongbat pisa kaba la ai bor da ka Kommittee balang, hynrei ban leit ban thep pisa kaba la lum na ka jingkynshew sha State Bank jong ka Ri India ha shnat Iewduh naduh u snem 2009 la aiti ha u bah Bareh ba shong ha Mission Compound.

Halor kane ka jingujor la register ia ka ejahar ha thnad jong ka Lumdiengjri police station hapoh ki kyndon ain bapher bapher jong ka IPC bad ha  pdeng ka jingtohkit  na ka liang jong ki pulit kila kem ia u bah Allfas  Bareh halor ka jingkynnoh ba  u la don kti ha kaba pyndon kam bakla ia ka pisa, halor kane ki pulit kila pyngat kyndon bad ka jingtohkit kan dang iaid.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet