Shillong, Nailar 27: U Bah Alelbert Nongrum MLA jong ka KHNAM mynta ka miet u la ai da ka jingthoh sha ka kynhun United Progressive Forum (UPF) ba un kyrshan ia kane ka sorkar MDA kaba la ialam da ka party NPP.
U Myntri rangbah ka jylla u la iathuh ba na ka liang jong ka kynhun MDA kala pdiang sngewbha ia kane ka jingkyrshan jong u MLA ka KHNAM ia ka sorkar MDA bad da ka jingwan pyniasoh u MLA jong ka 17-North Shillong ka jingbun paid ha kane ka sorkar kala kiew sha ka 40 ngut ha ka iing dorbar kaba 59 ngut.
Ia ka shithi kaba u Bah Adelbert Nongrum kaba u la soi mynta ka sngi la rah da u MLA jong ka NCP u Saleng A Sangma sha ka kynhun MDA ha ka jingialang kaba la long mynta ka sngi bad ha dien la khot bad la pdiang sngewbha ia u Bah Adelbert Nongrum sha kane ka kynhun.
