Shillong, Risaw 03: Mynta ka sngi ka All India Congress Committee (AICC) kala ai ia ka jingmynjur ia ki lai ngut ki kyrtong ban ia khun ia ka ilekshon shiteng samoi sha ki lai tylli ki MLA konstitwensi ha kane ka jylla Meghalaya.
Na ka 13-Mawryngkneng (ST) Konstitwensi ka AICC kala ai ia ka jingmynjur ia u bah Highlander Kharmalki, na 24-Mawphlang (ST) Konstitwensi kala ai ia ka jingmynjur ia ka kyrteng u bah Kennedy C Khriem bad na ka 47-Rajabala konstitwensi kala ai ia ka jingmynjur ia ka kyrteng jong ka Hashina Yasmin Mondal.
Ia kane ka shithi kaba la phah sha ka MPCC ba ka AICC kala ai ia ka jingmynjur ia kitei ki lai ngut ki kyrtong ban ia khun ha kane ka ielshon shiteng samoi ka dei kaba la ioh ia ka jingmynjur jong ka president ka AICC ka Sonia Gandhi bad ia ka shithi la soi da u Mukul Wasnik general secretary ba dei peit ia ka central election committee.
