Shillong, Lber 08: Ka Central Bureau of Communication (CBC), Tnat Information and Broadcasting, Sorkar India, Regional Office, Shillong ka la pynlong ia ka Photo Exhibition & Outreach Activity kaba lai sngi ban rakhe ia ka Azadi Ka AmritMahotsava ha NIT Meghalaya, Shillong.
Ha kane ka exhibition la pyni ia ka jingiakhunjinglaitluid jong ka India lyngba ka jingpyni ia ki dur bapher bapher. U Director ba dei peit, NIT Meghalaya, Prof. AyonBhattacharjee, uba la plie ia ka photo exhibition mynta ka sngi, u la iaroh ia ki sienjam jong ka CBC Shillong kaba la pynlong ia ka multimedia exhibition bad kyntu ia ki samla pule ban leitjngoh ia kane ka exhibition.
U la ong ba ka photo exhibition jong ka CBC halor ka Azadi Ka AmritMahotsav ka plie lad ban phai biang sha ka por jong ka jingiakhunjinglaitluid ka India bad ban sngewthuh ia kito ki por. Ka AmritMahotsavkadei ka jingrakhe ia ki jingjop ba khraw jong ka India tang hapoh ki 75 snem.
Ka jingthmu kalong ruh ban pynsngewthuh ia ki briew shaphang ka histori bad ka pateng ba riewspah jong ngi, u la bynrap. U la kyrpad ruh ia baroh ki nongiashim bynta ban kyrshan bad trei na ka bynta ki jingangnud ba ki nongiakhunjinglailtluid ki khmih lynti na ka bynta kane ka ri bad ban bud ia ki nongrim ba kongsan ba ioh mynsiem na ka jingiakhunjinglaitluid.
Haba iaroh ia ki riewshlur jong ka jylla Meghalaya- U Tirot Singh, U Kiang Nangbah bad Pa ToganSangma, u Prof Atanu Banerjee, Dean ba dei peit ia ki samla pule , NIT Meghalaya, Shillong u la ong ba lyngba ki dur ba la pyni ha kane ka exhibition.
Na ki dur lah ban ioh jingtip shaphang kine ki riewshlur bym paw pyrthei jong ka thain shateilammihngi kiba la nohsynniangshikatdei na ka bynta ka India kaba laitluid. U la pynpaw ka jingngeit jong u ba kane ka exhibition kan iarap bha ban ai jinghikai ia ki briew, bad khamtam ki samla pule, shaphang ka jingaiti ba khraw jong ki nongiakhunjinglaitluid jong ngi na ka bynta ka ri.
Ka DrMoushumiDey, Faculty Member, History Dept Women’s College, Shillong ka la kren halor ka phang “Ladies Freedom Fighters: Unsung Heroes of Meghalaya”.
Da ka jingsngewsarong ka la batai ia ka jingshlur jong katto katne ki longkmie kiba iakhun ia ka jinglaitluid na ka thainshateilammihngi ha ryngkat kiweikiwei kum ka PhanNonglait jong ka jylla Meghalaya, Manorama Banerjee jong ka Tripura, Rani Gaidinliu jong ka Manipur, Helen Lepcha jong ka Sikkim bad KanaklataBaruah jong ka Assam.
Ka la ong, “Ki jingnohsynniang jong ki longkmie ba iakhun ia ka jinglaitluid ki iaryngkat bad ki Rangbah kiba la ai ka jingkyrshan. Ka por ka la dei ba ma ngi kum ki nong India ba shisha, ngi dei ban ithuh bad pyndonburom ia baroh ki riewshlur ki bym paw pyrthei bad ki atiar jong ka jingiakhunjinglaitluid jong ngi, kiba ki jinglenlade bad ki sienjam ki kut sha tang kawei ka thong ban ioh jinglaitluid na ka ri Bilat.”
Ka la ong donkam ban ai jingai jinghikai ia ki samla shaphang ka jingim jong kine ki riewkhraw kiba la klet. “Kane kalong kaba donkam ban pynsngewthuh ia ki shaphang ka histori kaba dei bad ban pyndap ia ki da ka mynsiemieid ri bad jingsarong na ka bynta ki briew bad ka jaitbynriew jong ki.
Kane kan wanrah ruh ha ki ka jingshlur bad jingsngewskhem ban iakhun pyrshah ia ki kynhun ba thmu ban pyntlot ia ka nongrim jong ki,” ka la bynrap. Ka la ong ba bun ki kot pule historikimiahap bad ka histori, ka deiriti bad ki rukom im ha kane ka thain.
Ia kane donkam ban pynkylla, kaba lah ban leh da ka jingiashim bynta shitrhem jong ki briew jong ka thain bad ai jinghikai ia baroh kawei ka ri shaphang ki jingnohsynniang jong ki nongiakhunjinglaitluid, ki riewshemphang, ki nongialehkai, ki nongsaindur naka thain shateilammihngi ban tei ia ka India kaba katkum ka juk mynta,” ka la bynrap.
U SudiptaKar, Field Publicity Officer u la batai shaphang ka jingtreikam bad ka jinglong jong ka CBC ha ka thain. Haba ai jingkren shaphang ka exhibition, u Kar u la ong ba kalong ka jingkut jingmut ban sngewthuh ia ki briew bad ki jingthmu bad ka thong ba don ha lyndet ka AmritMahotsav bad kumno ki briew ki lah ban don bynta ha ka campaign. U la pynshai ha ka jingialang shaphang ki kam ki ban sa pynlong na ka bynta ka jingsam jingtip sha ki jaka bapher bapher.
Ka photo exhibition kadei shi bynta ki prokram bapher bapher ba la pynlong da ka CBC, Shillong ha une u snem kum shi bynta ka jingdap 75 snem ka jingioh jinglailtuid ka ri.
La pliepaidbahia ka Exhibition haduh ka 9 tarik Lber, 2023 bad kumta ki paidbah ki lah ban leitjngoh ia kane ka exhibition. Ha kine ki sngi kin don ruh ki Quiz, speech bad drawing competition.
