Shillong, Jylliew 13: Mynta ka sngi ka Deputy Commissioner jong ka East Khasi Hills District ka kong Rosetta Mary Kurbah IAS, kala pynjari ia ka kyndon 163 BNSS ha kaba la khang pyrshah ban ialum paidbah 200 metter sawdong na Main Secretariat, Additional Secretariat bad Raj Bhavan Shillong.
Haba pynjari ia ka kyndon 163 BNSS ka DC ka long ba bun ki seng bhalang kila juh pynlong ia ki jingiaid paidbah na ka por sha ka por hapoh ka District, lada shah ia kane kan wan rah ia ka jingdheng kali bad ka jingialum paidbah bad kan pynthud ia ka leit ka wan ki paidbah.
Dei halor kitei ki nongrim ba ka DC kala pynmih ia kane ka hukum ban la khang pyrshan ia ka jingialum paidbah 200 meter sawdong jong ka Main Secretariat, Additional Secretariat bad Raj Bhavan Shillong.
La khang pyrshah ruh ban rah kino kino ki tiar pynmynsaw ia ki briew bad lada don mano mano ba leh pyrshah ia kane yn pynsitom hapoh ka kyndon 223 jong ka BNSS katba shah ka ain.
Ban kdew ba mynta ka sngi ka seng HYC kala leit ban tur kynsan sha khyrdop jong ka Main Secretyariat ban dawa ia ka ILP ha kaba tang khyndiat por ka seng kala pynkut noh ia ka jingialum paibah ha khmat katei ka ophis ba ha khlieh duh ka sorkar jylla.
