Shillong, Iaiong 10: Ka JSU sengkmie mynne ka sngi ka lah ioh ban pynkha thymmai iaka South Border Zone kaba kynthup ia ki 16 tylli ki shnong sha ka thaiñ East Jaintia Hills District.
Ka seng ka lah sngew donkam ban nang pynkhlaiñ ia ka tnat trei kam jong ka khamtam sha ki khap pud Bangladesh bad Assam namar kine ki dei ki jaka kiba donkam eh namar na ka por shaka por ki kynduh shibun ki jingeh naduh u pud u sam haduh ka roi ka par.
Ia kane jingialang lyngkot lah pyniaid da u General Secretary JSU sengi kmie ,u samla Treiborlang R Suchen ,lah pynbam smai iaki da u President rangbah u samla Jersom Shylla bad lah wai ia ka jingialang da u Finance Secretary u samla Tricky Mukhim.
Ki dkhot ka South Border Zone kiba lah shim smai ki long, President u samla Ajoymeson Lyngdoh, Vice president- u samla Super Lyngdoh, General secretary- u samla Teimon Syad, Asst.General secretary- u samla Barister Suchiang bad saw ngut kiwei dei ki nongkit kam ba ha khmat eh kane ka long katkum ka kyrwoh ba lah phah da u Publicity Secretary u samla Dapmain Suchiang.
