Pynkha shnat trei kam ka seng UHM ha War Jaintia ha Amlarem Civil Sub-Division

Shillong, Risaw 16:  ka UHM sengkmie kala pynkha sa kawei ka shnat treikam sha War Jaintia Amlarem Sub-Division West Jaintia Hills District haka jing donlang U General Secretary CEC ,Organising Secretary,Education Secretary,Publicity Secretary CEC bad U General Secretary ka West Jaintia Hills District.

Ka UHM ka lah ioh ban pynskhem pura ia ka Umlari Unit,hakane ka jingpynskhem lah pynbamsmai iaki nongkitkam bad ki dkhot ba pura ka Umlari Unit da u General Secretary ka Sengkmie bah Teibor Shadap.

Ia ka jingialang la  pyniaid iaka jingialang da u Organising Secretary bah Justine Kahit lahioh ruh ki kyntien kyntu kynpham sneng kraw da U Education Secretary Bah Steven Khyriem bad ka jingpdiang burom na U General Secretary ba peit iaka West Jaintia Hills District Ma Genius Lipon, ia ka jingialang la pynwai da u Publicity Secretary CEC.

Ha kane ka jingialang la ioh ruh ki jingkren na ka liang u President ka Umlari Unit Ma Hunmon Huwa ba kum ki nongialam ka UHM Umlari unit kin treiborbah ban wanrah ka jingiatylli hapoh ka imlangsahlang bad ban ymshongkli kti ban ialeh naka bynta ka jaidbynriew Hynniewtrep.

Ha ka jingkren na u General Secretary Umlari unit Ma Dapoimi Khyriem hakaba u lah pynsngew iaka jingeh ka shnong ha kaliang ka network ba ha kum kine kipor khamtam ba leh online class ki khynnah katno ka ba isangsot ban peit ki hap leit jngai na shnong teng teng ki hap shong online class haduh damiet khamtam ia ki khynnah kynthei kumta u lah kyntu iaki ba halor ban leh eiei halor kane .

Ki nongkitkam bad ki dkhot ba pura ka Umlari Unit u bah Hunmon Huwa President, bah Emlang Gympad Vice President, bah Dapoimi Khyriem General Secretary, Bah Pynshnain Dkhar Organising Secretary, bah Frankie Suppoh Publicity Secretary bad la jied ruh 11 ngut ki nongkit kam kane ka long katkum ka kyrwoh kaba la phah da u bah bah Emdor Buam nongai khubor ka seng.

 

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet