Pynkup burom ka shnong Mawdulop ia ki 16 ngut ki samla ba pass matrik

Shillong, Nohprah 05: Hapdeng bun ki jingbym biang kumba jia ha ki skul ha jaka sor, hynrei ka skul Presbyterian Lower & Upper Primary School, Mawdulop kaba don sha nongkyndong ka Mawkynrew konstitwensi, hynrei ka la pynmih ia ki soh bathiang ha ka jingpule hapdeng ka jingiabeh ia ka jingstad sha ki jaka sor.

Mynta ka sngi, ka shnong Mawdulop kaba hap iaid da ka surok khohruh khohram ka la pynlong ia ka jingpynkup burom kyrpang ia ki 16 ngut ki samla kiba la pyndep ia ka kyrdan pule matrik kiba la wan ban saindur nyngkong ia ka jingpule na kane ka skul haduh ba kin poi sha kyrdan ba shalor bad ban trei ha ki kam bapher bapher. Uwei na kine u dei u samla Nangroi Lynshiang uba trei kam shipai nalor ka samla Balakyntiew Suting kaba la pyndep ia ka kyrdan MA (Sociology) nalor kiwei pat.

U samla Nangroi uba la pyndep ia ka jingpule na kane ka skul haduh klas VIII, mynta u la rung ha ka kam shipai na Maharashtra bad u trei mynta ha Jammu-Kashmir.

Haba kren ha kane ka jingialang u la jaw ummat ban sngew myllung namar na nongkyndong ban poi sha ka thong bad kane ka pynshisha ba ki samla na nongkyndong ruh kim lah ban iakhun bad kito kiba pule ha ki skul ba paw ne ha ki jaka sor kiba biang nadong shadong.

Ha ka jingiaid lynti kane ka skul, u bah Martle N Mukhim u MLA barim bad MDC ba mynta, u dei uwei na ki nongprat lynti bad u diengbah diengshan, kaba ai ka jingshakri ia ki katto katne ki shnong kum ka Mawdulop, Mawsir, Ksanrngi bad kiwei. U Bah Martle um shym la lah ban iadon ha kane ka jingialang namar ba um da khlain bha ka met.

Namar ka jingbym khlain bha u bah Martle ban iadon lang ha kane ka sngi, u babu FG Kharnaior u headmaster ka skul, u la long kum u kongsan.

La sakhi ia kane ka jingialang da ka jingdon ki nonghikai, ki khynnah skul, kynthup ka nonghikai PM Mukhim, bad kiwei ki sordar na kiwei ki shnong ha ka jingialang ba la pyniaid da u bah Pynskhem Mukhim u sordar ka Mawdulop.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet