Shillong, Naiwieng 15: Mynta ka sngi ka party UDP kala pynkup burom ia u MLA jong ka Mawphlang Konstitwensi u Eugeneson Lyngdoh ba dang shujop ia ka ilekshon shiteng samoi bad ia u Ashahel D Shira bala ia khun na Rajabala wat la khlem poi sha ka jingjop hynrei u la leh bha shibun ha kane ka ilekshon.
Haba kren ha ki lat pathai u general secretary jong ka party u Dr. Jemino Mawthoh la ong ba ha kane ka jingialang kaba ka party kala ia kynduh mynta ka sngi kila thaw ia ka kynhun ba kyrpantg ba kan pynilynti ba kumno ban pynkhlain ia ka party, kane ka kynhun kan sa ai jingmut sha ka party kumno ban leh.
Ha kane ka sngi ka jingiakren hapoh ka Central Executive Committee jong ka party ka long bad ka phang kumno ban pynkhlain ia ka party, wat la u kyrtong ka party u khlem poi sha ka jingjop hynrei u kyrtong jong ka party u la leh bha ha kane ka ilekshon shiteng samoi bad kane ka ai mynsiem ia ka party UDP ha ka thain Garo Hills.
La ong ba ha dien bun bun snem naduh bala seng ia ka APHLC, ha dien bala pynkha sha ka HPU bad la pynkha sha UDP kim pat juh ioh ia ka iing ban pynlong ophis ia ka party, mynta da ka jingiatreilang ki nongkit kam ka party mynta la thrai ba kan nym shlem shuh ka jingtrei kala iaid sha khmat bad yn sa lah ban plie noh ia ka ha u bnai Nohprah mynta u snem.
