Shillong, Nohprah 17: Mynta ka sngi ka long ka burom ia ki 12 ngut ki shipai kiba ia khun ha ka thma Bangla ha u snem 1971 ia kaba u Lat jong ka jylla u la pynkup burom ia ki mynta ka sngi ha JN Indoor Stadium ia kaba la pynlong da ka Bureau Outreach and Communication ka tnad phah khubor jong ka sorkar pdeng lyngba ka shnat trei kam jong ka kaba don ha Guwahati.
Ki khat ar ngut shipai kiba la shah pynkup burom mynta ka sngi ki long, u Colonel Jagdish Singh, u Lieutenant Colonel Bah Martin Khongmen, u Lieutenant Colonel Narayan Thapa, u Naik u Bah Sarshon Lyngdoh, u hawildar Dhurba Singh Thapa,u hawildar Raj Bhadur Gurung, Honorary Captain Narayan Singh Thapa, Honorary Naik subedar DB Thapa, Honorary Captain Ganesh Bhadur Thapa, Honorary Naik subedar Harka Bhadur Sarki.
Ar ngut kiba khlem poi sha kane ka jingpynkup burom ki long u Ganeder Tamuli bad u Ngurthasung kine ki dei ki Subedar. Kiba la poi sha kane ka jingpynkup burom kaba kyrpang ia kin a pdeng ki shipai kiba dang don haduh ki long 10 ngut. Kane ka jingpynkup burom ia ki ka long shibynta jong ka jingrakhe ia ka sngi lyngkhuh snem jong ka jingjop ka India ia ka Pakistan ha ka thma Bangla 1971.
