New Delhi, Nailar 17: Ka Manu Bhaker, kaba la jop artylli ki takma rnong ha ka lympung ialehkai Paris Olympics, 2024, ka la shah pynkup burom da u Myntri Sorkar Pdeng ba dei khmih ia ka tnad Ports, Shipping & Waterways, SarbanandaSonowal na ka liang jong kito kiba trei ha ki kam kiba iadei bad ka duriaw mynta ka sngi.
Ka Bhaker, kaba dei ka khun jong u briew uba trei ha ki kam kiba iadei bad ka duriaw, ka la shah pynkup burom da ka Phoolam Gamusa, ka jingoh shrong ia ka lieng bad ka cheque kabaT 10 lak, na ka Indian Ports Association (IPA), kum ka jingithuh ia ka kam kaba khraw jong ka ha kaba ka la long tang ma ka kaba la jop artylli ki takma rnong ha kawei ka Olympics.
Ka Manu Bhaker ka la iakren ruh bad ki samla kiba trei ha ki kam kiba iadei bad ka duriaw bad ruh kiwei kiwei ki briew. Kane ka nongsiat kaba tbit ka la batai kumno ka la kylla sha kaba skhem jingmut, kaba trei shitom bad kaba peit bniah ia ka kam hadien ba ka la heh la san ha ka longiing jong u briew uba trei ha ki kam kiba iadei bad ka duriaw.
U Sonowal u la pynkup burom ruh ia ka kmie jong ka Bhaker – Sumedha Bhaker–bad u kpa jong ka – Ram Kishan Bhaker. U Bhaker u trei kum u Chief Engineer ha ka jhad jong ka merchant navy.
Ha ka jingai jingkren, u Myntri ka tnad Ports, Shipping & Waterways, Sarbananda Sonowal, u la ong, “Ka jingjop ba kyrpang jong ka Manu Bhaker ha ka lympung ialehkai Paris Olympics ka pyni ia ka jingtrei shitom bad ka jingkut jingkut jong ka na ka bynta ka jingtbit.
Ka dei ka dak jong ka mynsiem jong ki samla ka India ban don ki jingthmu kiba khraw bad ka bor ban pynurlong ia ki. Ka Manu Bhaker ka ai mynsiem ia ngi baroh, khamtam ki samla kiba trei ha ki kam kiba iadei bad ki duriaw, namar ka la pyni kumno ka la ioh ia ka jingskhem jingmut.
Ka jingtrei shitom bad ka jingpeit bniah ia ka kam na ka longiing jong ka haba ka la heh la san ha kane ka longiing jong kiba trei ha ka kam kaba iadei bad ki duriaw. Ki kyntiem ai mynsiem ia ki samla kiba trei ha ki kam kiba iadei bad ki duriaw kin pynskhem jingmut ia ki ba kin don ki thong kiba heh ha ka kam ba ki trei.”
Ha ka jingai jingkren, ka Manu Bhaker ka la ong, “Nga kynmaw ia ki por ba nga don ha ki jhad ha ki por ba ioh shuti bad i pa, i mei bad para shynrang jong nga. Kine ki jingleit kim dei tang ki jingleitkai namar ki la ai jinghikai ia nga na ki ktien, ki deiriti bad ki rukom im bapher bapher.
Nga la iakynduh shibun ki jingeh hynrei kine ki la pynskhem jingmut ia nga. Nga ngeit ha ka jingiaid palat ki pud ba la buh – ‘Leh ia ka kam kaba khraw shuwa ban leitphai sha la iing.”
Kane ka dei kaba trei da baroh kawei ka met ka mynsiem, ka jingsngewthuh ba ka jingiaid lynti ha kane ka jingim ka long kaba kongsan kum ba long kongsan ka jaka ba ngi poi, bad kane ka long ka bynta kaba iahap bha bad kito kiba trei ha ki kam kiba iadei bad ka duriaw kiba sngewthuh bha ia kane.
U, Sarbananda Sonowal u la ong, “Hapoh ka jingialam jong u Myntri Rangbah Duh, Narendra Modi, ka Sorkar ka la sdang shibun ki prokram ban wanrah ia ka jinthrang ia ka jingtbit bad ban tei ia ka kam ialehkai kaba kyntiew ia ki samla bad wanrah ia ki jingjop ha ki rynsan ialehkai jong ka pyrthei. Kane ka la iarap bha ia ki nongialehkai jong ngi.
Ka jingkut jingmut ka Sorkar Modi ban rakhe bad kyntiew ia ka jingtbit ha ki kam ialehkai kan dang bteng, da kaba ai jingithuh ia ki jingnohsynniang jong ki nongialehkai bad kito kiba trei ha ki kam kiba iadei bad ka duriaw ban kyntiew ia ka roi ka par jong ka ri.
Nga ai jingsngewnguh ia ka Manu Bhaker na ka bynta ka jinglehkai bha jong ka ha ka Olympics namar ka dei tang ma ka kaba la jop artylli ki takma ha ka jingialehkai 10 Meters Air Pistol.
U Myntri ka sorkar pdeng u ai jingsngewnguh ruh ia i kmie i kpa jong ka Manu Bhaker kiba la ai jingkyrshan ban pyntbit ia ka khun ba kan lah ban wanrah burom ia ka ri.
Kan dang jop shibun ki takma na ka bynta ka ri namar ka don ka sap, ka lad, ka jingthmu, ka jingtreishitom, ka jingai jingmut ha ka kam ban wan shakhmat bun bunsien hadien kane. Ka ri ka sngew sarong na ka bynta ka Manu.
Ha kane ka sngi la iadonlang ruh u Secretary, ka tnad Ports, Shipping & Waterways (MoPSW), TK Ramachandran; u Joint Secretary, ka tnad PSW, R Lakshmanan; Chairman, Inland Waterways Authority of India (IWAI), Vijay Kumar ha ryngkat kiwei kiwei.
