Shillong, Risaw 26: U president jong ka Jaintia Students’ Union (JSU) u Samla Lawyerson War haka jingpyllait khubor mynta ka sngi u la krenshai da kaba tyngeh ba kum ki member jongka seng K
im dei satia tang ki nongpeitkai halor ka jingshah noin bein bad jingshah iuhroit ki paradoh ki para snam ha kiwei pat ki jait bynriew hala ka jong ka Ri, u la pynkynmaw ba ha ka por ba rung sha ka seng ban iada iaka Ri bad ka Jait bynriew.
Kumta, halor kine ki jingiakynad kiba la kynshoit bad pynmih da briew kiba kwah ban shim kabu iaka jinglui lui bad ka jingtip briew tip blei jongka jait bynriew jongngi, na ka liang ka Seng ka kwah ban pathai shai ia kane ka khubor ba ka seng JSU ruh kan ym shong kli kti lane ban bynda iala ka jongka Ri bad ka jait bynriew, hynrei kan iengskhem hala ka jong nongrim namar ka dawbah jongka Ri bad ka jinglong ba kyrpang jongka jaitbynriew.
Ai ba ka snam kan tuid ha madam namar ka jait bynriew, kin ym salia shuh namar ngi la dep mad shibun ki jingeh bad ngi laduh bun tylli ki mynsiew ieid Ri jongka jait bynriew ha kti jongki poiwir shisngi kren rangbah u president jongka Seng.
Ai ba ki briew bad ka pyrthei kan tip ba ka jingshah pyniap iong u wei naki dkhot jongka jait bynriew u ba dei u member jonga KSU ha Ichamati kalong thik kum u nam sarang ba dung ia u dohnud jongka jait bynriew, bad halor kane kin ynlah satia ban sngap jar jar lane ban khapriat ki khmat, hynrei kin dem ngon ban wat iaka daw bad kane hi kan dang iaiphrang shuh shuh iaka mynsiew ieid Ri bad ka jingiatylli.
Haoid ka JSU ka lah ban iapher haka kyrteng kum kawei naki sengbhalang hapoh ka Ri bad ka jait bynriew jongngi, hynrei ka long pat kawei ka doh kawei ka snam naka bynta ka Jait bynriew, bad namar katta, ka jingshah maham bad ki jingshah kynnoh jongka KSU ki long kiei kiei kiba ngim lah ban pdiang da lei lei ruh em.
Kumta, halor kane ka dawbah ka dawsan, ka seng ka krenshai ba ka la long kaba la pynkhreh, bad kiwei Pat ki jaitbynriew Baladeshi Bengali kiba don daw bad ngi, kin long lpa kiba la pynkhreh ban mih noh na kane ka Ri bad ka kyndew ka Shyiap ka jongngi, ka Ri umsnam u ni U Ma.
Kyntang iawai shwa ba ka por kan dier ngi khot bad kyrpad lang ia baroh ki paid jongka Ri bad ka jaitbynriew jongngi naduh ki sengbhalang bapher bapher bad iwei pa iwei I dkhot jongka jait bynriew ban ieng tylli kawei naka bynta ka pateng kaban dang wan ha dien, kane ka long katkum ka kyrwoh kaba la phah da u samla Lawyerson War President JSU.
