Shillong, Jymmang 03: Ha ka sngi palei saw ngut ki khynnah kila ia jngi ha wah Khuri kiba don ha jan jong ka jaka sah jong ki shipai BSF ha Lyngkhat, hynrei na ka jingslap jur kynsan ka um kala wan tap kynsan bad kala rong ia kine ki saw ngut ki khynnah kiba ia jngi ha katei ka wah.
Ha kane ka jingwan lap kynsan ka um u wei na kita ki saw ngut ki khynnah u la pyrta ban pan jingiarap. Haba ia sngew ia kane ka jingpyrta u wei u ophisar bad kiwei ki khadlai ngut ki shipai BSF kila kynthih sha wah bad kila ioh ban pynlait ia kine ki saw ngut ki khynnah na ka jingngam jyllop.
Kineki saw ngut ki khynnah kiba la ioh ban pynlait da ki shipai BSF na ka jingshah rong ha ka um ki long u heh Leading Stone 6 snem khun jong u Mintu, u Abhijeet 7 snem khun u Ajit Dev, u Tranky 5 snem khun jong u bah Hesting bad u Barik 16 snem jong jong u Bah Daman, kine baroh saw ngut ki dei ki nongshong shnong jong ka Lyngkhat ba hap hapoh jong ka East Khasi Hills Meghalaya.
Na ka liang jong ki trai shnong na Lyngkhat kila ai ka jingiaroh ia ki shipai BSF kiba la lah ban pynlait im ia kine ki saw ngut ki khynnah na ka jingshah rong noh ha ka um hapoh katei ka shnong. Nalor ki kam iada ia u pud u sam ki shipai BSF ki long ruh kiba la kloi ban iarap ia ki paidbah ha kaba don kam.
