Shillong, Naiwieng 12: Ka shad niam Nongkrem kaba dei jong ka hima khyriem kala kut mynta ka sngi ha pdeng ka jingiphih iphing ha kaba da ki hajar ki paidbah na kylleng ka rilum khasi kila ia tuid sha katei ka jaka ba sakhi ia kane ka shah tynrai kaba juh pynlong man u snem ha u Naiwieng.
Ia kane ka shad Nongkrem la pynlong ha Smit kaba dei ka nongbah jong ka hima khyriem, kane ka shad la tip kum ka shad niam ban ai nguh ia u trai nongbuh nongthaw kaba la tipkum ka Blei synshar kaba la kyrkhu ia ka rep ka riang jong ki briew.
Ia kane ka shad la tip ruh kum ka shad pomblang, ha kaba ki khun ki hajar ki leit ban nguh Syiem, ha dien ka jingleh niam baroh ka sdang sa ka shad ka kmen ia kaba la tip kum ka shad Nongkrem.
Ha kane ka sngi ka long ka burom ia ka Hima Khyriem ha kaba ka tnad phah shithi jong ka sorkar pdeng kala pynmih ia ka Stamp jong ka shad Nongkrem ia kaba la pynlait paidbah u myntri synbut rangbah ka jylla u bah Preston Tynsong ha kane ka sngi kut jong ka Shad Nongkrem.
Ban sakhi ia kane ka shad niam shisien shisnem jong ka Shad Nongkrem kiba la ia don lang, nolor u syiem jong ka Hima Khyriem u Pa,im Dr Balajied Syiem, ki myntri ka hima, kiwei kiba la ia don lang ki long u Bah Kyrmen Shylla myntri ka sorkar jylla, u bah Lambor Malngiang MLA jong kane ka jaka u Bah Wilad Shylla MLA Jowai, u CEM jong ka KHADC u Bah HS Shylla bad ki para MDC.
