Shillong, Rymphang 24: U Myntri ba dei peit ia ka tnad Social Welfare u bah Kyrmen Shylla mynta ka sngi u la pynlait ia ka jingrwai ha ka ktien phareng ha ophis jong ka tei ka tnad ha Lachumiere ia kaba la pynmih da katei ka tnad sorkar ban ia khun pyrshah ia ki kam dih drok ha ka jylla.
Haba kren kum kongsan ha kane ka jingialang ban pynlait ia katei ka jingrwai la ong ba, bun sien ki briew ki peit ia kiba la ngop ha kane ka kam dih drok da kaba khmat ba i bein ia ki, ha kane ka sngi na ka liang jong u myntri u la kyntu ia ki paidbah ba dei ban niew ia ki kum ki para briew khlem da niew shiliang.
Kumba la pyni ha kane ka jingrwai Video pynpaw ia ka jingeit, kren da ka jingieit bad kine ki ba la ngop ha kine ki jingdih kin lah ban wan phai biang sha ka jingim kaba thymmai kumba long lem kiwei ki para briew, ym dei ban niew bein ia ki namar ki don kam ia ka jingieit.
Ha kane ka sngi, u myntri ka sorkar jylla u la pynpaw ia ka jingsngewdiaw ka jong u ba bun na ki trai jaka kim treh ban ai jaka ban shna ia ki jaka sumar ia kine ki khun samla kiba la ngop ha kane ka jingdih, kane ka dei ka jingeh kaba ka sorkar ka ia kynduh.
Ha ba kren halor ka jingdon jong ki briew kiba la ngop ha kane ka jingdih kaba sniew u myntri u la ong ba ym lah ban ong ha ka rta kaba kumno hynrei kiba bun ki briew kila ngop ha kaba kum kki paidbah hap ban ia trei lang ban ia khun pyrshah ia kane ka jingsniew.
Ia ka jingrwai la pynlait lang bad ka kong NM Nampui Commissioner bad Secretary jong ka tnad Social Welfare, ha kaba u Director u DD Shira ryngkat ka jingiadon lang kiwei ki ophisar kane ka tnad sorkar.
