Shillong, Nailur 24: ka North Eas
t Slow Food bad Agrobiodiversity Society (NESFAS) kala pynlong ia ka jingiakop shet bam ai ja sngi ia ki khynnah skul hapoh jong ka shnong Mawmihthied na ki jhur kiba mih na ka mariang.
Ia kane ka jingiakop la pynlong halor ka phang pdeng “ Ki jhur kiba don saw dong ka mariang ki long ki jignbam ba tei met”. Kane ka jingiakop shet kalong shibynta jong ka jingtrei kam ka GIZ. Ia kane ka jingiakop shet la ia shim bynta na ka ophis jong ka ICDS bad ki riew paidbah na ki shnong kum ka Nongtraw, Umdiengpoh, Laitsohpliah bad Dewlieh kiba dei na East Khasi Hills.
Ha kane ka jingiakop la shet laiphew hynniew jait ki jait jingbam bad ia kane ka jingshet yn sa pynmih ha ka dur jong ka kot khnang ban dup lah ban sam paidbah ha ka jylla barohkawei. Kiba la ia shim bynta ki long ka kong Diana Kharakor, kong YistinaKhongwar, ka Kritika Suratkal ba dei na ka NESFAS kaba la hikai kumno ban pynbang ia ki jingbam.
Ha ka jingkren jong ka kong Melari Nongrum, ka la ong ba 48 na ka 100 ngut ki khynnah ha kane ka jylla Meghalaya ki don ha pdeng ka jingduna betamin lada lah ban shet ha kane ka rukom kan iarap ban tei ia ka met. Kiwei kiba la ia don lang ha kane ka sngi ki long u Bah S A Allya na ka Laitkroh Blok, Bah Khrawbok Dkhar rangbah shnong jong ka Mawmihthied.
