Shillong, Nailur 25: Ka National Institute ba dei peit ia ka Disaster Management , New Delhi ryngkat bad ka Meghalaya State Disaster Management Authority kila pynlong ia ka jinghikai kaba shisngi ha Shillong Club.
Ka phang pdeng jong kane ka jingialang ka long ban ia mir jingmut kumno ban iada naka jingkhynniuh jumai bad kyrpang eh ha kaba ia dei bad kane ka jylla Meghalaya ia kane ka bynta la kren da u Dr Amir Ali Khan ba dei na ka NIDM. Ha kane ka jingiakynduh ba shisngi la ia kren ruh kumno ban shna ia ki iing kiba lah ban iada na ka jingshah pynjulor lada khynniuh jumai.
Ha ka jingkren plie u bah T Dkhar Commissioner bad Secretary jong ka jylla Meghalaya u la pynkynmaw ia u jumai bah ha u snem 1897 ha kaba ka jingkhynniuh u jumai kala kot sha ka 8.2 kabor jong u, u la ong ba kum kane ka jingialang ka long kaba don kam namar ka jingmih jong ki iing bun mala ha nongbah Shillong bad ka dong shatei lam mih ngi baroh kawei.
Ha kane ka jingiamir jingmut kaba shisngi, na ka liang jong ki tnad sorkar kiba la ia poi ban ia shim bynta ki long ka tnad pynroi nongkyndong, ka tnad ka koit ka khiah, ki pulit bad kiwei kiwei ki tnad sorkar.Ha kane ka sngi la ioh ruh iaka jingkren na u Dr Amir Ali Khan bad ia jingkren pdiang burom ia ki nongwan ia shim bynta la kren da ka kong I Mawlong Executive Director jong ka State Disaster Management Authority.
