New Delhi, Lber 01: Ki kynhun shipai ba kyrpang jong ka Ri India kila pynlong ia ka jinghikai kilan met kaba saw sngi ha Jodhpur ha u bnai Rymphang 2025, ia kane ka jingkilan met la tip kum ka “Desert Hunts 2025” ha ka kad shiapi suin.
Ha kane jingkilan met la kyntup ia ki kynhun shipai ba kynsaitam na ka kynhun shipai khyndew, ki shipai duriaw bad ki shipai suin, kane ka jingia pynlong lang ia ka jingkilan met ka long ban long kiba la khreh la ka long ha kano kano ka bynta.
Kane ka jinghikai kaba kyrpang ia ki kynhun shipai na ki lai tylli ki shnat ka long ba kin don ka jingia sngewthuh lang ha pdeng ki kynhun shipai kiba la hikai kyrpang ban kin lah ban leh kloi ha kano kano ka bynta ba don kam ia ki.
Kine ki jinghikai ki kynthup kumno ban siat beit ha ka thong, ban pynlait ia kiba shah rahbor, ban ia khun pyrshah ia ki kam lehnoh, kumno ban ia khun ia ki kam lehnoh ha ki jaka sor bad kane ka long ban peit ia ka jinglong kiba la kloi ki kynhun shipai.
Kane ka jinghikai ka long ban ai ka jaka ba kin ia kynduh lang bad ban sngewthuh ba kumno ban pynkhlain ia ka jingiada ia ka rai bad ba kan don ka jingiabeit khlem da don kano kano ka jingdkoh ha ka jingiatrei kam bad kan don ka jingiatreilang.
