Shillong, Iaiong 24: Mynta ka sngi ka party BJP jong ka Meghalaya BJP State Unit kala pynlong ia ka jingduwai lang na baroh ki jaidniam ha ophis treikam jong ka ban duwai kyrpang na ka bynta ka mynsiem bala khlad noh u kpa bakhuid u Pope Francis.
Ia kane ka jingduwai la pynlong ha ka jingialang u President ka seng u Rikman G Momin ha ka jingdonlang u myntri ka sorkar jyllau bah A L Hek, kane ka jingpynlong ia ka jingduwai ka long kum ka jingburom ia u kpa Bakhuid ban duwia ban ioh ia ka jingjahthiat ban bam kwai ha dwar ublei.
Ha kane ka jingduwai bad ka jingialang kaba la long ha ophis treikam jong ka party kila kynmaw tympang ia ka jingnoh syniang u kpa Bakhuid na ka bynta ban dang pynkhlain ia ki riew kynthei bad u long shisha briew ba don ka jingkit khlieh ia baroh ki jaidbynriew ha ka pyrthei.
Ha dien kane ka jingduwai hapoh ka jingialam jong u myntri ka sorkar jylla u bah AL Hek, President u Rikman G Momin kila leit ban ia kynduh ia u Arch Bishop ka jylla naimbah Shillong u Rev. Victor Lyngdoh ban pynpaw ia ka jingsngewlem halor kane ka jingkhlad u kpa bakhuid Pope Francis.
