Shillong, Risaw 26: Ka Department of Telecommunications (DoT), North East Licence Service Area (LSA), Shillong mynta ka sngi ka la pynlong ia ka 5Km Shillong City Run ha ka jingrakhe ia ka Vigilance Awareness Week-2021.
Ia kane ka jingmareh la ialam da ka samla Rephica Becky Pde, ka nongmareh marathon ba pawnam na ka nongbah. Kumba 50 ngut ki briew ki la iashim bynta ha kane ka jingmareh kynthup ki hehophisarna ka Tnat Telecommunication.
Ia kane ka jingmareh la sdang ha ka por 6 baje mynstep na CTO Building kaba don mar pyrshah bad ka iing u Lat ka jylla ha ka nongbah bad la pynkut ha ka por 6:45 mynstep ha kajuh ka jaka. Ka lynti na ka bynta kane ka jingmareh ka kynthup ia ka Lady Hydari Park, Malki Point, Don Bosco Square bad Gold Gym.
Ha ka jingplie ia kane ka prokram, la iadonlang u Ajay Kumar Sahu, u Deputy Director General; KVK Prasad Rao, Deputy Director General (Administration), Ashok Kumar Jain, Deputy Director General (Compliance); Dilip Kumar, Deputy Director General (Rural); Rajesh Kumar Maheshwari, Deputy Director General (Security).
Kiwei ki ophisar na ka DoT North-East, LSA nalor u K. S. Madanpuri, Chief General Manager BSNL. Ia ka Vigilance awareness week la rakhe naduh ka 26 tarik Risaw, 2021 haduh ka 1 tarik Naiwieng 2021 halor ka phangpdeng “Independent India @75: Self Reliance with Integrity”.
