Pynlong ka party HSPDP ia ka jingiamir jingmut kaba shi sngi halor ka Khasi Jaintia State

Shillong, Nohprah 05: Mynta ka sngi ka party HSPDP kala pynlong ia ka jingiamir jingmut halor ka phang “Khasi Jaintia State” ha Dinam Hall Shillong, ha kaba kila don ar ngut ki nongkren kiba kongsan u Dr L S Gassah bad u bah Robert June Kharjahrien muktiar kiba la batai ia katei ka phang.

Ha ka jingkren u bah Robert June Kharjahrin la ong ba kane ka jingdawa ia ka jylla Khasi Jaintia State ka long naduh u snem 1949 ha kaba ki khlieh nongsynshar  khasi- Jaintia ha kawei ka kynhun ki kwah ban don sha India khlem da haplang ha ka jylla Assam bad kila shim ruh ia katei ka rai.

Hynrei kawei ka kynhun kaba kwah ban don sha ka Ri India da kaba don lang bad ka jylla Assam lyngba ka khyrngit kaba hynriew, kane ka jingdawa Khasi Jaintia State kam dei kaba thymmai hyrei ka dei kaba la don naduh u snem 1949.

Ha ka jingkren u Dr L S Gassah la ong ba ka pary HSPDP naduh u snem 1968 bala seng ia ka jingdawa ban ioh ia ka Khasi Jaintia state ka dang iai bteng haduh mynta bad dei tang kane ka party kaba la rah da ka synduk iap briew ha ka sngi ba plie ia ka Sub State Meghalaya.

Ka HSPDP naduh ba sdang kam pdiang ia ka Sub State bad ka dawa ia ka jylla kaba Pura bad kane kala pynlong ia ka APHLC ba kan iai bteng ia ka jingiakhun ban ioh ia ka jylla pura ha u snem 1972.

Ha kane ka sngi haba jubab ia ki jingpan jingpynshai halor ka sor Shillong, la ong ba ka party kan dawa ba lada ioh ia ka Khasi Jaintia State sor Shillong kan hap  beit hapoh ka jaka jong riewlum lane ka nongrim ba ka party ka iieng.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet