Shillong Naiwieng 19: Ka Ai Jingim Voluntary Blood Donors Organisation ha ryngkat ka jingiatreilang bad ka Blood Storage Centre Civil Hospital Shillong bad RBC, Pasteur Institute mynta ka sngi ka la pynlong ia ka jingai snam ka Blood Donation Camp.
Ha kane ka sngi u bah Ransom Sutnga uba long u kongsan u la ai ka jingiaroh ia ka jingiaroh ia kane ka kynhun Ai jingim kaba la lah ban pynlong ia kane ka prokram kaba la ban ai ka jingiarap sha kiwei bad ka pynshlur ruh ia ki ban ai snam na bynta kito kiba donkam ban ioh ia ka jingsumar.
U bah Ransom la ong ba un pyrshanng ban iakynduh ia u Myntri Rangbah bad ngin kyrpad ba un iarap haba iadei bad ka kali Ambulance na bynta kane ka kynhun khnang ba kan lah ban pyntyllun ia ki kam shakhmat.
La ong ba u da sngewkmen bad kyrmen skhem ba kane ka Institute ha kawei ka sngi kan salong ka ‘State of the Earth Institute’ ha kaba baroh ki tes yn leh lut hangne. Khmih lynti ruh ba kiwei kin mih shakhmat ban ai snam. Ha kane ka sngi, u bah Ransom kum shi bynta ban ai jingkyshan ia kane ka kynhun u la noh synniang ka jingiarap pisa.
Ka Dr G Myrthong haba kren ha kane ka sngi ka la ai mynsiem ia kiwei ba kin mih shkhmat ban ai snam namar lada ai snam kan nym don kano kano ka jingktah hynrei kan wanrah pynban ia ka jingkoit jingkhiah.
La ong ba ka jingai snam 350 ml kan lah ban ai jingim ia lai ngut ki mynsiem briew Ka la ai jingiaroh ia ka Ai jingim kaba la ju ai jingkyshan la bun snem.
Haduh mynta ka Ai Jingim Voluntary Donors’ Organisation ka la ai snam 1012 units bad ka la pynlong kumba 42 tylli ki Blood Donation camps bad ka la lah ban pynlong kumba 37 tylli ki Awareness Campaig ha jyllenng ka jylla.
