Shillong, Risaw 30: Ki shipai BSF kila pynlong ia ka jingrakhe ia ka ‘Azadi ka Amrit’ ha kylleng jong ka jylla bad ha ka sngi saitjian kila pynlong ha ka shnong Dangar Dombah ha Upper Primary School.
Ha kane ka sngi ki shipai BSF kila pynlong ia ka jinglehkmen da kaba pyntem ia ka Band da ki sur jingrwai bad kane kala khring ia ki paidbah katei ka shnong ban ia wan ia shimbynta lang ha kane ka jinglehkmen.
Ha kane ka sngi ki riew rangbah ka thin kila ia wan lang ban sakhi ia kane ka jingrakhe ia ka Azadi ka Amrit, kila pynpaw ia ka jingsngewkmen ba ki BSF kila wan ban pynlong ia kane ka jingleh kmen hapoh ka shnong jong ki.
Kane ka jingwakhe ia ka Azadi ka Marit kam dei tang ba ka pynshongshit ia kiba poi sha katei ka jingleh kmen hynrei ka pynrung ruh ia ka mynsiem ieit ri hapeng ki khun samla jong ka dong bad ka thain.
