Shillong, Nailur 27: U Dr Rev. Batkupar Dunai shongknor jong ka kynhun Meghalaya United Christian Forum (MUCF) ka pynpaw ia ka jingsngewsih kaba khraw halor ka jingduh ei noh ki mynsiem briew ha kane ka jinglynshop jong ka mariang kiba la jia ha ka nongbah Shillong bad ka jylla hi baroh kawei.
Ha ka kyrwoh kaba la phah sha ki lat pathai khubor na ka liang jong ka MUCF ka duwai na ka bynta jong kito baroh ki mynsiem kiba la khlad noh bad khamtam ia kito ki long iing kiba mad ia kane ka jingeh kaba ki ia kynduh ba u kynrad un pyntgnen ia ki.
La kyntu ia baroh ki para ba ngeit ba kin kynmaw lem ha ka jingdhuwai jong ki na ka bynta kito ki mynsiem kiba la duh ia ka jingim na kane ka jinglynshop ka mariang, kum ka jingtwa khyndew bad ka jingshlei um.
