Pynpulom  ka jingthmu shalan drok na Shillong sha Mizoram ioh kem noh ki pulit 

Shillong, Rymphang 04: Da ka jingthmu ban pynduh jait ia ki jingsniew kaba la kynrei bha hapoh ka jylla, ki pulit ka Anti-Narcotice Task Force ka East Khasi Hills ha ryngkot ki pulit ka Mawryngkneng kila ioh kem ia ki briew kiba mut shallan drok sha Mizoram ha Mawryngkneng.

Katkum ka kyrwoh khubor la iathuh ba ha ka 03 tarik u Rymphang da ka jingiatrei lang ka EKH ANTF bad ka Mawryngkneng PS ki la bat ia kawei ka kali, ka Tata Yodha No. MZ01/Z 3654 kaba don ia ki tiar ba la kdew harum kaba iaid na Shillong sha Mizoram ryngkat bad kine ki briew harum.

Na kane ka kali ki pulit kila ioh ruh ban kem ia lai ngut ha ryngkat bad ki mar kiba la khang pyrshah.Ia kine ki briew ba la shah kem ha ki pulit la tip kyrteng kum ka Sabina Lalnunmawiii, U Lalrinmawia, u Lalrosanga.

Ki tiar ba la ioh kurup da ki pulit ki kynthup 2 (ar) tylli ki mobile, 1(kawei) Ka laisen niah kali, Kawei ka set sofa kaba saw ha kaba la buhrieh ia ki mar ba la khang , 1(kawei) Tata Yodha B/R No MZ01Z/ 3654, Ka Ganja kaba 10.455 Kg. bad 235 tylli ki bilor kyiad (750 ml).

La register ia ka mukotduma ha Mawryngkneng PS C/ No3 (2)25 u/s 20b(ii)(b)/29 NDPS Act.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet