Pynrem jur ka HYC bad JSU halor ka jingjia ha Ichamati, phah sngewlem ka FKS

Shillong, Rymphang 29: Ka seng Jaintia Student Union (JSU bad ka seng Hynniewtrep Youth Council (HYC) kila pynrem jur halor ka jingleh jong ki bar jylla hapoh ka shnong Ichamati ban thombor ia ki dkhot jong ka KSU.

Ka JSU ka pynpaw ia ka jingsngewsih kthang haba ka ioh sngew ba u wei na ki dkhot jong ka KSU u la khlad ha ka jingklumar hapoh Ichamati.Ka seng ka kyntu ia ki paradoh parasnam ba shi sien don ba kim dei shuh ban khot ne ai jingtrei shuh ia ki mynder bad khamtam ia kito kiba leh benami ha ki kam khaì pateng namar hadien kane u mynder un sa bam bad nguit kylla ia ngi ki trai ri trai muluk.

Ka JSU ka pynrem jur ia ka sorkar MDA ba ialam khmat da u Conrad Sangma namar ba kane ka sorkar ba mynta ka dei ka sorkar kaba bunkam ban pynbun tang da ki tamasa lehkmen bad ban pynbiej ia u paidbah ,ba u paidbah un klet ia ki daw bah jong ka Ri bad ka jaidbynriew .

Ka seng JSU ka kwah ban pynkynmaw ia ki jingshah thombor ba dang shen ki para doh para snam ha ki nong Bangla ha ki thain khap pud Indo-Bangla ka pyni ba kane ka sorkar kam ju shim khia ban ioh ban kem ia ki riew sniew kiba donkti ban lute bad ban pynmymsaw ia ki briew ba sah ha khap pud .

Kumta ka seng JSU ka kren shai kdar bad dawa ia ka sorkar MDA ba ka dei ban kem mardor bad ban pynshitom ia kine ki nongthombor bad ki riewthrangsnam kiba thmu ban pynhiar kput ia ngi ki trai ri trai muluk.

Ka seng ka lah ong ruh lada kane ka sorkar kam lah ban kem ia kine ki mynder ki kiba donkti ban thombor bad pyniap ia u dkhot ka KSU ka pyni ba kane ka sorkar kam don khyndiat ruh ka jingkit khlieh ban wan rah ia ka jingshong shngaiñ ia ngi ki trai ri trai muluk.

Hynrei kane ka sorkar ka lah shu pynsaja ia u paidbah kai da kaba pynduh ia ki internet bad ban khang surok ne curfew na ka por sha ka por ha man ba mih ki jingia khih bad ia jing ia kynad ki bapher bapher bad kane ka jingleh jong kane ka sorkar ka pyni ba kam don ka jingbah khlieh kaba shisha ban wanrah ia jingshong suk shong shngaiñ kaba paka ha ka jylla hi baroh kawei.

Ka JSU ka phah ruh ia ka kyrwoh jingsngewlem sha ka ing ka sem u samla Lurshai Hyniewta bad sha ka seng KSU .Ka seng JSU ka kwah ba baroh ki para Ri jong ka bri u hyniewtrep ba kin kynmaw lem ha ki jingduwai bad ngin pyrto ia ka jingshlur bad ka jing aiti ialade u samla Lurshai Hyniewta na bynta ka daw bah ka jaidbynriew bad ka kyteng jong i kan Im bad ka nam jong I kin iaisah bad ngi bad ki pateng ki jong ngi.

Na ka liang jong ka Hynniewtrep Youths’ Council (HYC) lyngba ka Central Executive Committee meeting kaba lah long mynta ka sngi ka pynrem jur ia ka jingshah thombor ki dkhot ka KSU ha ki mynder ri ha Ichamaty mynnin ka sngi.

Ka Seng ka pynpaw ia ka jingpyrphah kaba jur halor kane ka jingnud jong ki bar Jylla ban thombor bad pynmynsaw bad kane lah wanrah ia ka jingmynsaw Jong kiba bun bad ruh ka jingduh noh ia ka mynsiem ba kordor Jong uwei na ki dkhot Jong ka KSU na Sohra Circle.

Ka Seng ka phah ka khubor sngewlem sha ka ing ka sem Jong utei u Samla uba lah duh noh ia la ka jingim ha Katei ka jingjia bad ngi duwai ba u Blei Nongbuh nongthaw un don ryngkat lem bad ki ha kum kane ka por. Ka seng ka kitbok kitrwiang ruh ia baroh ki dkhot Jong ka Seng KSU bad ki riewpaidbah kiba lah mynsaw ha Katei ka jingshah thombor bad ba kin ia ioh noh kham kloi ia ka met kaba koit ba khiah.

Ka CEC mynta ka sngi ka dawa jur na ki bor pulit ba ki dei ban kem lut ia baroh kiba donkti ha Katei ka kam beain namar katkum ka jingtip Jong ngi ki mynder kiba don ha Katei ka kam ki don bun spah ngut  ki bor pulit kidei ban kem ia baroh kito ki mynder kiba pynshit, pynmynsaw bad rah ia ki tiar ialeh da ka jingmut ban pynmynsaw bad shim ia ka jingim jong kitei ki dkhot ka KSU mynnin ka sngi ha Ichamaty.

Ka Seng ka dawa ruh na ki bor pyniaid jong ka Elaka Mawlong ba kidei ban beh lut bad nym ai jaka sah ia kitei ki bsein nangne shakhmat namar ka lah urlong ka jingkren ba ynda ki lah syaid kin sa puh kylla ia phi hadien.  Ka jingleh Jong kitei ki briew mynnin ka lah pynpaw shai ia ka jinglong riewkhlaw bad beain ka jong ki.La kyntu ruh ia kito ki ba Ai kam aijam ia kitei ki briew ba kidei ban sangeh noh mardor.

Ka Seng ka kyntu ruh ia kito ki briew kiba ju mlien ban iada bad Kdup ia ki mynder bad ruh kiba leh benami  ba kin kylla thiah kylla dem ban pyrkhat bad puson bha ia ka jingleh ka jong ki namar kane ka jingleh Jong ki ka pynsyaid bad ai mynsiem ia kine ki mynder haduh une u pud ba ki lah nud ban thombor bad shim ia ka jingim Jong u doh u snam u Jong ngi.

Na ka liang jong ka Federation of Khasi States ka phah ka jingsngewlem halor kane ka jingjia kaba sngewsih ia ka iing ka sem u (L) Bah L Hynniewta, Sohra Khliehshnong. Ha kum kane ka por ngi duwai ba u Nongbuh Nongthaw un ai ka jingtngen ia ka iing ka sem bad ia ki ba ha iing baroh. Ong u Bah John F Kharshiing ha ka kyrwoh.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet