Shillong, Iaiong 26: Ka Party National People’s Party (NPP) ha ka jingiakynduh ba nyngkong jong ka National Committee kaba dei na ka bynta u snem 2025-2028 kabala pyniaid da u national president u Conrad K Sangma kala shim ia ka rai ban pynrem jur ia ki riew sniew kiba la siat iap ia ki riew paidbah ha Pahalgam ha Union Territory Jammu bad Kashmir.
Kum ka dak jong ka jingsngewlem ia kito ki mynsiem kiba la khlad ha kane ka jingjia kaba sngewsih na ka liang ka party kala pynlong ia ka jingsngap jar kaba shiminit ban duwai na ka bynta jong kito ki mynsiem kiba la khlad bad ba kito kiba dang shitom kin iohnoh ia ka jingkoit jingkhiah.
Ha ka juh ka por na ka liang jong ka party ka kyntu ruh ia baroh ban duwai lem na ka bynta ka jingshong suk shongsain kan wan biang ha katei ka jaka, kane ka long katkum ka kyrwoh kaba la phah da u James K Sangma Working President ka party.
